gréng Blogs

D‘ Zukunft gestalten: déi vun eisem Land an déi vun eise Kanner

Christian Kmiotek - 11 July 2018

Djuna Bernard (DB): Déi gréng hunn als déi éischt vun de véier grousse Parteien hire Walprogramm virgestallt. An zwar ënner dem Motto: “Zukunft. Zesummenhalt. Gutt liewen.” Firwat?

Christian Kmiotek (CK): Mir gréng hunn an der Regierungsverantwortung eist Land an e puer Beräicher scho fit fir d’ Zukunft gemaach: Mobilitéit, Landesplanung, Ëmweltschutz, awer och Moderniséierung vum Staat a speziell vun der Justiz. Well nach Villes ze maachen ass an d’ Erausfuerderunge grouss sinn, zum Beispill d’ Klimaverännerung, Digitaliséierung a Robotiséierung awer och d’ Plaz vu Lëtzebuerg an enger globaliséierter Welt, proposéiere mir gréng de Leit e kohärente Projet fir déi näächst 5 Joer.

„Fir eis ass d’ Politik méi, wéi just de Problemer hannen drun ze lafen, déi en ongebremste Wuesstem mat sech bréngt.“

DB: Zesummenhalt ass fir mech als jonke Mënsch wichteg. Dat geet u bei enger inklusiver Bildung, déi jidderengem hëlleft, seng Stäerkten z’ entwéckelen. Ech setze mech bei déi gréng derfir an, datt fir déi jonk Leit – awer net nëmme fir si – endlech vum Staat massiv bezuelbar Wunnenge geschafe ginn. Esou kënnen all Leit a liewenswäerten Dierfer a multikulturelle Stied zesumme wunnen a schaffen.

CK: Jo, déi Vielfalt an där mer hei zu Lëtzebuerg zesumme liewen, déi ass och fir mech e wichtegen Deel vun deem gudde Liewen wat mer heiheem féieren. Fir mech gehéieren zu Lëtzebuerg awer och eis Baachen a Flëss, eis apart Landschaften an d’ Schéinheet vun der Natur, déi onbedéngt mussen erhal bleiwen. An natierlech proppert Drénkwaasser a sëffege Bio-Wäin kënnen ze genéissen. Well esou hunn ech eist Land gär.

DB: Ech engagéiere mech, well déi gréng ambitiéisen Ëmwelt- a Klimaschutz maachen, verbonne mat enger zukunftsorientéierter Landesplanung an enger ressourceschounender Industriepolitik. A grad an Zäite vun Onsécherheet fannen ech déi progressiv a sozial Politik richteg, déi déi gréng maache fir d’ Zesummeliewe vun de Leit ze stäerken.

„Ech engagéiere mech, fir ambitiéisen Ëmwelt- a Klimaschutz, verbonne mat enger zukunftsorientéierter Landesplanung an enger ressourceschounender Industriepolitik.“

CK: Effektiv ass fir eis gréng d’ Politik méi, wéi just de Problemer hannen drun ze lafen, déi en ongebremste Wuesstem mat sech bréngt. Et geet eis dorëms, d‘ Zukunft ze gestalten: déi vun eisem Land an déi vun eise Kanner. Mir hunn dat an de leschte 5 Joer an Ugrëff geholl. De grénge Walprogramm weist sachlech fundéiert fir all Politik-Beräicher, wéi mer eist Land esou no vir bréngen, datt all d’ Awunner och an Zukunft gutt liewe kënnen. Dorunner schaffe mir gréng mat vollem Asaz a mat grousser Leidenschaft. Well mer eist Land gär hunn.

(Tribune libre Radios RTL & 100komma7 den 9.7.2018 zesumme mat der jonker grénger Zentrums-Kandidatin Djuna Bernard)

Catégories: gréng Blogs

Well mer eist Land gär hunn

Christian Kmiotek - 03 July 2018

Léif gréng Kolleginnen a Kollegen,

Heiansdo gëtt een hinnen awer iwwerdrësseg a midd, de Commentaire vun den ëmmer selwechte Knadderer, Gambiahaasser a Gréngefrësser. Eng vun hire Verschwörungstheorien ass jo, datt Elektro-Autoe just mat Atomstroum fuere kéinten. Ech hunn dann déi lescht Woch alt erëm engem erkläert, datt ech meng Kar a menger Garage mam Stroum vu menge Solarzellen um Daach tanken; a wann d’ Sonn net schéngt, datt ech da Stroum aus Wandkraaft, Waasser a Biogas benotzen.

Wahrscheinlech geet et dem Carole ähnlech an der Regierung, wann do Rieds geet iwwer Fage a Knauf. Woubäi: den Etienne Schneider ass zwar lernfäheg, dat muss ee soen, well hien huet elo de Bau vun neien Tanklageren ofgesot, well hien endlech verstan huet, datt déi nächst Generatioune vu Privatween, awer och vu Bussen a Camionetten net méi mat Pëtrol mee mat Ökostroum ugedriwwe ginn.

Iwwerhaapt maachen sech an der lescht vill Leit Suergen ëm eis gréng. Mir schénge ganz beléift ze sinn. Déi eng wëlle mat eis fusionéieren, déi aner wëllen enk kooperéieren, nach anerer wëllen eis kopéieren. Dat mécht awer net vill Sënn, well d’ Wielerinnen a Wieler si jo net blöd; déi di gréng wëllen – an dat sinn der jo ëmmer méi – déi wielen den Original, keng schlecht geknäipte Kopien.

„Mir gréng maache kee Choix tëscht Natur a Mënsch, mir schütze béid, well Naturschutz ass Mënscheschutz. A mir maachen dat, well mer eist Land a seng Natur a seng Leit gär hunn.“

Bei der bloer Partei mat deem ganz klenge grénge Punkt, do ginn se net midd, a Sonndesriede Krokodilstréinen iwwer d’ Waasserkatastrof am Mëllerdall ze vergéissen. Mee op all Wochendag verlaangen se d’ Opmaache vun de Bauperimeteren, fir eist Land nach méi ze versigelen, obschonn nach bal 1.000 Hektar innerhalb vun den existente PAGen drop waarden, fir de Wunnengsbau erschloss ze ginn.

An deem Zesummenhang mengt den DP-Generalsekretär, mir gréng géifen eis méi fir d’ Fliedermais asetze wéi fir d’ Mënschen. Abee, mir gréng setzen eis effektiv net fir déi Leit an, déi wéi d’ Mueden am Speck just vun Zënsen an Dividenden an de Plus-Valueen op hiren Terrainen liewen. Par conter setze mir gréng eis a fir déi Leit, an dat sinn der vill méi, déi ugewise sinn op proppert Drénkwaasser, op eng gesond Loft, op lieweg Biedem an op eng intakt Déieren- a Planzewelt. Mir gréng maache kee Choix tëscht Natur a Mënsch, mir schütze béid, well Naturschutz ass Mënscheschutz. A mir maachen dat, well mer eist Land a seng Natur a seng Leit gär hunn.

Bei de Rouden, do hunn e puer Bonze gemierkt, dass geschwë Wale sinn. An also sinn déi Knall a Fall zu Lénkssozialiste vun der 25. Stonn mutéiert. Ewell hunn se matkritt, datt hei zu Lëtzebuerg d’ Liewen nach laang net fir jidderee roseg ass, besonnesch net fir déi mat den nidderege Léin, besonnesch net bei deene Wunnengspräisser, besonnesch net fir déi di eleng verdéngen, besonnesch net wann se och nach Kanner mat ze versuergen hunn.

Den LSAP-Fraktiounschef huet an engem Interview behaapt, mir gréng wären an der Dräier-Koalitioun “net ëmmer offensiv an den internen Debatten intervenéiert”. Abee, do huet den Här Bodry dann awer esou Munneches vergiess oder verdrängt.

Ech ka mech jiddwerfalls nach ganz gutt drun erënneren, datt mir gréng an de Verhandlungen zu der Steierreform deenen zwou anere Parteien detailléiert Statistiken zum Aarmutsrisiko vun den Allengerzéier virgeluecht hunn. Mee mir krute keng Ënnerstëtzung vun der LSAP weder bei der Diskussioun iwwer d’ Steierklass 1A, nach bei der Iddi de Mindestloun steierfräi ze stellen.

An iwweregens och net beim Ofschafe vun den total ongerechte Stock-Options, déi massiv Steiervirdeeler just fir Groussverdénger bréngen.

Domat ass dat dann ee vir allemol kloer gestallt!

„Nach ni huet eng Regierung an nëmme 5 Joer esou vill, esou bluttnoutwenneg an esou déifgräifend Reformen ëmgesat.“

Kolleginnen a Kollegen,

Et gëtt politesch Commentateuren déi mengen, an de leschte Méint geséich ee bei Blo-Rout-Gréng kee gemeinsame Projet méi. Dat ass a mengen Aen net richteg, well d’ Chamber schafft bis laang an de Juli eran, fir nach eng Hellewull vun eise gemeinsamen Dossieren ofzeschléissen.

A wann et da wouer wär, dann awer nëmme, well e risege gemeinsame Reformprojet, nämlech den ambitiéise Koalitiounsaccord vun 2013, elo ofgeschafft an ëmgesat ass. Nach ni huet eng Regierung an nëmme 5 Joer esou vill, esou bluttnoutwenneg an esou déifgräifend Reformen ëmgesat: Steierreform, Gemengefinanzreform, Trennung vu Relioun a Staat, Bestiednes an Adoptioun fir all Koppelen, d’ Fraen no vir bruecht, eng ekonomesch Zukunftsstrategie fir eist Land entworf, massiv Investissementer a Schoulen an Infrastrukturen, den Astieg an d’ Mobilitéit vum 21. Joerhonnert mat ënner anerem dem Tram, 29 Waasserschutzzonen, 66 Naturschutzzonen, Verduebelung vun der Wand- a Solarenergieproduktioun, endlech eng Landesplanung an zwar mat de Leit, e modernt Scheedungsrecht an en ugepasste Justizapparat, an et wär nach villes ze nennen.

Déi eenzeg, vun deenen ee kee Projet ze gesi krut, dat war déi gréissten Oppositiounspartei.

Mir gréng ware jo bis 2013 an der Oppositioun, mee mir waren do ëmmer konstruktiv an hunn andauernd sënnvoll Alternative virgeschloën. Ganz anescht d’ CSV: déi war déi 5 Oppositiounsjoer op Tauchstatioun an se hunn och elo, 15 Woche virun de Walen, Schwieregkeeten opzedauche, well et krut nach keen och nëmmen eng Iddi vun engem Usaz vun engem CSV-Walprogramm ze gesinn.

Dat eenzegt wat bis elo vun der CSV ze héiere war, war esou no hanne geriicht, wéi mer dat vun hir zanter Jorzéngte gewinnt sinn. Dem Felix Braz seng Reform vun der Scheedungsprozedur, déi de Realitéite vun den heitege Koppele Rechnung dréit, déi kohärent an effektiv Prozeduren aféiert an déi de Kanner hir Rechter stäerkt, gëtt ratzfatz ofgelehnt mat engem: “wann d’ CSV no de Walen an d‘ Responsabilitéit sollt kommen, da wäert dat Gesetz net mol ee Joer iwwerliewen”. Wat fir eng Arroganz a virun allem wat fir eng Respektlosegkeet virun der Demokratie!

Léif gréng Kolleginnen a Kollegen,

Et gëtt Parteien, déi kucken op d’ Ëmfroen wéi d’ Kanéngchen op d’ Schlaang.

Déi eng – wéi d’ CSV – déi falen an en hypnotësche Schlof a vergiessen dobäi, datt ee wuel och e Walprogramm brauch, fir bei de Walen unzetrieden. Oder ass hir Strategie déi, en Aschléiferungs-Walkampf à la Merkel ze féieren, fir nëmmem net Fuerf ze bekennen a jo net iergendwou unzeecken?

Déi aner – wéi d’ LSAP an d’ DP – déi falen an eng grenzelos Hyperaktivitéit. Op eemol ginn all déi Saache versprach, déi hir Ministeren scho längst an de leschte 5 Joer hätte gemaach hunn.

Während déi eng pennen an déi aner wéi wëll ëm hir eegen Achs dréinen, schaffe mir gréng wéi gewinnt an der Regierung an an der Chamber onopgereegt a kompetent eis Dossieren of. An als Partei komme mer elo mat engem Walprogramm eraus, deen alt erëm an intensiver interner Diskussioun zustane komm ass. Dëse Programm ass esou detailléiert, datt en – genee wéi 2013 – eng zolitt Verhandlungsbasis ass, sollte mir gréng de 14. Oktober vun de Wielerinnen a Wieler den Optrag kréien, a Koalitiounsverhandlungen ze goen.

„Fir eis gréng ass Politik méi wéi just e Reparaturbetrib fir d’ Konsequenze vun engem ongebremste Wuesstemsmodell.“

Während der elo vill mat deels populisteschen, deels oniwwerluechten Eenzelmossnahmen op Stëmmefang ginn, proposéiere mir dem Land e kohärente grénge Projet fir déi näächst 5 Joer. Well eppes ass sécher: weder mat engem blouse Verwalte vun de bestoende Verhältnisser, nach mat Ofschottung an engem plompe „Lëtzebuerg first“ loosse sech déi grouss Ëmbrech vun eiser Zäit, wéi Digitaliséierung, Klimawandel oder den Opstieg vun Nationalismen ugoen.

Zukunft.        Zesummenhalt.       Gutt liewen.

Dat sinn déi wichteg grouss Themen, déi eist Land – an all déi di hei wunnen a schaffen – wäerte weiderbréngen. Eise Walprogramm weist Punkt fir Punkt, wéi mer dat fäerdeg bréngen.

Fir eis gréng ass Politik méi wéi just e Reparaturbetrib fir d’ Konsequenze vun engem ongebremste Wuesstemsmodell. Et geet eis dorëms, d‘ Zukunft ze gestalten: déi vun eisem Land an déi vun eise Kanner. Mir maachen dat zesumme mat de Leit, ëmmer sachlech fundéiert, mee virun allem mat vollem Asaz a mat grousser Leidenschaft.

„Well mer eist Land gär hunn”, dat beréiert mech. Ech denken un eis Baachen a Flëss, un eis charakteristesch Landschaften an un d’ Schéinheet vun der Natur.“

Mir gréng maachen ambitiéisen Ëmwelt- a Klimaschutz, verbonne mat enger zukunftsorientéierter Landesplanung an Industriepolitik. A grad an Zäite vu gesellschaftlecher Onsécherheet maache mir eng progressiv a sozial Politik fir d’ Zesummeliewe vun de Mënschen ze stäerken.

Kolleginnen a Kollegen,

Wat gëtt eis Gréngen eigentlech Kraaft an Driff?

Ma mir setzen eis an, well mer eist Land gär hunn. Et hunn sech der jo schonn e puer iwwer dës Signature vun eiser Campagne d’ Mailer zerrappt. Abee, mech schwätzt se emotionell un. “Well mer eist Land gär hunn”, dat beréiert mech.

Ech denken un eis Baachen a Flëss, un eis charakteristesch Landschaften an un d’ Schéinheet vun der Natur.

Ech denken un eis liewenswäert Dierfer a multikulturell Stied.

Ech denken un all Mënschen déi hei wunnen a schaffen, egal vu wat fir enger Nationalitéit, egal wat fir eng Sprooche se schwätzen.

Zukunft heescht fir mech, weiderhin drun ze schaffen, e kohärenten a praktesche Mobilitéitssystem opzebauen. Well mer eist Land gär hunn.

Zesummenhalt bedeit fir mech, mat ze hëllefen eis Demokratie an eise Rechtsstaat kommunal, national an europäesch ze stäerken. Well ech eist Land a seng Leit gär hunn.

„Mir gréng hunn a 5 Joer Regierungsverantwortung méi ëmgesat, wéi an 30 Joer Oppositioun!“

Gutt liewen ass fir mech, och weiderhin proppert Drénkwaasser a sëffege Bio-Wäin kënnen ze genéissen. Well och esou hunn ech mäi Land gär.

Léif Frënn,

5 Joer Regierungsaarbecht sinn a verschidde Beräicher ze kuerz, fir e richtege Revirement zustanen ze kréien a Politikfelder, déi joerzéngtelaang an déi falsch Richtung gedréckt goufen. An anere Beräicher konnte mir gréng eis jo nach guer net beweisen.

An trotzdem, wann ech zeréckkucken da stellen ech fest:

Mir gréng hunn a 5 Joer Regierungsverantwortung méi ëmgesat, wéi an 30 Joer Oppositioun!

Dofir proposéiere mir de Wielerinnen a Wieler mat eisem Walprogramm, dee mer haut beschléissen, eng Verlängerung vun eisem Kontrakt fir nach emol 5 Joer. An engems schaffe mer all zesummen drun, datt gréng gestäerkt gëtt, fir datt nach méi gréng Inhalter kënnen ëmgesat ginn.

Fir datt mer och an Zukunft zesumme gutt liewe kënnen. Well mer eist Land gär hunn.

Catégories: gréng Blogs

QP: D’Diskussiounen ronderëm d’Selektioun fir d’Frankfurter Buchmesse

Sam Tanson - 30 June 2018

Monsieur le Ministre a annoncé par communiqué du 20 juin 2018 les œuvres retenues pour le stand du Luxembourg à la Frankfurter Buchmesse. Il y fut expliqué que 57 œuvres de 13 maisons d’édition ainsi que 20 manifestations avaient été retenues par un jury indépendant et confirmées par l’équipe de coordination, composée de représentants des auteurs et des maisons d’édition, du Conseil national du livre et du ministère de la Culture.

Ce communiqué fut suivi de certains remous, alors que fut contesté e.a. la composition du jury de même que le choix des livres finalement retenus. Les critiques, notamment émises par une chronique de Madame Valerija Berdi diffusée sur la radio 100,7 (« Transparenz a Souveränitéit op Lëtzebuergesch »), relèvent que des livres, qui ne rentraient pas dans les critères de sélection, figurent quand même sur la liste de sélection.

Le fait que les auteurs luxembourgeois bénéficient cette année de nouveau – après une absence de plusieurs années – d’une présence autonome et d’un soutien à la « Frankfurter Buchmesse » est absolument à saluer. Se pose néanmoins la question de la transparence des critères et de leur application, de même que des critères ayant gouverné la mise en place du jury et du comité de coordination.

Dans ce contexte, j’aimerais avoir les renseignements suivants de la part de Monsieur le Ministre de la Culture :

  1. Monsieur le Ministre peut-il nous informer de la procédure suivie pour mettre en place le jury et le comité de coordination, de même que pour les règles régissant la sélection ?
  2. Quels sont les critères de sélection retenus ?
  3. Quel était le nombre de candidatures ?
  4. Monsieur le Ministre peut-il nous informer en quoi consiste en pratique la participation des auteurs retenus ?
  5. Est-ce que le contrôle du respect des critères de sélection est suffisant ou est-ce que des améliorations sont éventuellement déjà envisagées en vertu des expériences faites lors de cette procédure de sélection ?
  6. Est-ce qu’une évaluation détaillée de cette première participation sous cette nouvelle forme est prévue ?
Catégories: gréng Blogs

ZUKUNFT. ZESUMMENHALT. GUTT LIEWEN

Christian Kmiotek - 25 June 2018

35 Joer sinn et elo datt déi gréng fir hier Iddie kämpfen a säit 5 Joer maache mir dat och an der Regierung. Mir beweisen datt mer fir en eegene grénge Politikstil stinn, dat heescht leidenschaftlecht Kämpfe fir d’Saach, ouni onnéideg Polemik, sachlech a léisungsorientéiert, an am Dialog mat de Biergerinnen a Bierger. Dës Missioun gëllt et elo weider ze féieren.

Lëtzebuerg ass haut a villerlee Hisiicht méi erfollegräich an attraktiv ewéi jee. Eist Land boomt an zitt international Entreprisen aus ganz ënnerschiddleche Branchen un. Mënschen aus der ganzer Welt komme bei eis, fir hei ze liewen an ze schaffen. Den enorme Wirtschaftswuesstem, dee mir erliewen, stellt eist Land awer och viru Problemer.

Den Individualverkéier féiert zu Stau, den ëmmer méi grousse Besoin u Fläche bedreet eis natierlech Landschaften, bezuelbare Wunnraum ass knapp an d’Präisser klammen. A bei wäitem net all Awunner profitéiert a gläichem Mooss vum Wuesstem.

Déi, déi bei eis kommen, an déi, déi schonn ëmmer hei ware sehnen sech no gudder Liewensqualitéit, no Sécherheet an no engem gudden Zesummeliewen an eisen Dierfer a Stied. An net zulescht verbënnt se och d’Léift zu eiser schéiner Natur an eisen eenzegaartege Landschaften, souwéi zu eiser Interkulturalitéit.

Lëtzebuerg läit am politeschen an institutionellen Häerz vun Europa an huet ëmmer vu Weltoppenheet an oppene Marchéë profitéiert. Dësem Land geet et gutt, wann et Europa gutt geet. Haut ginn dës Prinzipien op der ganzer Welt ëmmer méi a Fro gestallt. De Populismus ronderëm eis gëtt ëmmer méi staark an destabiliséiert net just eis Nopeschlänner Frankräich an Däitschland, mä och aner wichteg Membere vun der EU ewéi Italien oder och nach d’Vereenegt Kinnékräich.

All dës Onsécherheete féieren dozou, datt verschiddener Angscht hunn, net méi matzekommen. Bei Ville mécht sech d’Gefill breet, datt mat all Prozent méi Wuesstem och eppes verluer geet, wat Lëtzebuerg fir si ausmécht. Eppes ass sécher: weder mat engem blousse Verwalte vun de bestoende Verhältnisser, nach mat Ofschottung an engem plompe „Lëtzebuerg first“ loossen sech déi grouss Ëmbréch vun eiser Zäit, ewéi Digitaliséierung, Klimawandel oder den Opstig vun autoritäre Regierungen ugoen.

Well mer eist Land gär hunn.

Mir Gréng maachen iwwerall wou mer kennen, an de Gemengen, an der Regierung an an Europa, eng Politik mat engem laangfristege Bléck op d’Zukunft, eng Politik fir e liewenswäert Land, an deem den Erfolleg vun de Kanner net vum Portmonni vun den Elteren ofhänkt; fir eng nohalteg an innovativ gréng Ekonomie, déi op eise Stäerkten opbaut a sécher Aarbechtsplaze schaaft; fir eng oppen an inklusiv Gesellschaft, an där mir zesummen- an net laanschtenee liewen.

Dat maache mir net fir Wahlresultater, mee aus Iwwerzeegung a well mer eist Land gär hunn. Léift verbënnt, Nationalismus trennt eis. Dëst Land gär hunn, dat ka jiddereen, deen hei schafft a wunnt. Net just déi, déi lëtzebuergesch schwätzen oder Lëtzebuerger sinn. Mir lueden all déi Mënschen an, mateneen d’Land ze gestalten an d’Weeche fir d’Lëtzebuerg vu muer ze stellen.

Mir gréng hunn an de leschte 5 Joer munches erreecht a mir sinn houfreg drop. Mir wäerten eise Bilan an eise grénge Politikstil an den nächste Méint offensiv verdeedegen a schaffe weider drun, datt gréng dëst Joer vun de Biergerinnen a Bierger gestäerkt gëtt.

(fir t’éischte Kéier publizéiert am „Lëtzebuerger Land“ vum 22.6.2018)

Catégories: gréng Blogs

QP: Wéi geet et weider mat der Prise en charge vun der Psychotherapie?

Sam Tanson - 22 June 2018

Par la présente et conformément au règlement de la Chambre des Député-e-s, nous nous permettons de poser une question parlementaire à Madame la Ministre de la Santé et à Monsieur le Ministre de la Sécurité Sociale concernant la mise en pratique de la loi du 14 juillet 2015 portant création de la profession de psychothérapeute.

La loi précitée définit le cadre légal de l’exercice de la profession de psychothérapeute et arrête notamment le cadre de la prise en charge des actes de psychothérapie par le psychothérapeute. Ainsi la loi modifie l’article 17 du Code de la sécurité sociale qui prévoit désormais la prise en charge des psychothérapies visant le traitement d’un trouble mental.

Dans ce cadre nous souhaitons poser les questions suivantes aux ministres précités :

1. Où en est la transposition de cette loi en général et plus particulièrement en ce qui concerne la prise en charge des frais de psychothérapies ?

2. Quels actes seront remboursés?
3. A partir de quand ces remboursements pourront-ils être effectués ?

 

Josée Lorsché & Sam Tanson

 

Hei d’Entfert op ons Fro

Catégories: gréng Blogs

Mäin mëndleche Rapport zum Scheedungsgesetz den 14. Juni 2018 an der Chamber

Sam Tanson - 14 June 2018

 

Den Oscar Wilde huet et op de Punkt bruecht : d’Bestietnis ass déi éischt Ursaach vun der Scheedung.

Wëll mer awer, entgéint e puer Boutaden an déi Richtung d’Bestietnis net wëlles hunn ofzeschafen, wäerte mer haut déi gesetzlech Scheedungsursaachen reforméieren an dem néien Scheedungs (an autorité parentales) Gesetz.

Ech kommen fir d’éischt op d’Scheedung ze schwätzen ier ech de Volet « autorité parentale » behandelen.

Erlaabt mer e kuerze Bléck no hannen fir den historesche Kontext duerzeleeën.

D’Scheedungen hu sech an de leschte Joerzéngt lues a lues banaliséiert. Woren an den 1950Joeren just 5% vun de bestueten Koppelen no 30 gescheet, sou ass deen Pourcentage op 16% an den 1960er Joren geklommen fir 23% an den 1970er Joren ze erreechen. Haut gëtt quasi een Bestietnis op zwee gescheet.

D’Scheedunge waren zu Lëtzebuerg op Basis vun engem Gesetz vun 1803 erlaabt. E Gesetz wat iwwer 150 Joer a Kraaft war an den Esprit vun där Zäit erëmgëtt.

Et goufen zwou Kategorien vu Scheedungen, den divorce pour faute, an den divorce pour consentement mutuel, deen awer esou streng encadréiert war, datt en net vill genotzt gouf, an d’Leit deemools schonn dacks op den « divorce pour faute » zeréckgegraff hunn fir des Reegelen z’ëmgoen. Fir en divorce par consentement mutuel ze kréien, huet een net dierften méi wei 20 Joer bestuet sinn, et huet ee missten d’Erlaabnis vun den Elteren hunn, falls des nach gelieft hunn a vrun allem, et huet ee sech net dierften scheeden wann d’Fra méi wei 45 Joer hat, och wann se d’accord war (voire demandeur vun der Scheedung).

Des Konditiounen sinn eréischt duerch e Gesetz vum 6. Februar 1975 verschwonnen. E Gesetz vum 5. Dezember 1978 huet eng nei Scheedungsuursach agefouert, an zwar den « divorce pour séparation de fait » deen een nach ëmmer laut haitegem Artikel 230 vum Code civil kann ufroen wann een 3 Joer getrennt ass, voire 5 Joer am Fall vun enger Trennung wéint « aliénation mentale » vun engem Partner.

Och den divorce pour faute ass duerch d’Gesetz vun 1978 vereinfacht ginn. Iwwreg bliwwen sinn nëmmen nach als Konditiounen, déi déi och haut am Artikel 229 vum Code civil stinn : dat da wieren « excès, sévices ou injures graves d’un des conjoints envers l’autre ».

Zenter engem Gesetz vun 1993 huet och just nach eng Scheedung déi wéinst « torts exclusifs », also den exklusiven Feeler vun enger Partei gesprach gëtt, als Konsequenz, datt des laut Artikel 300 vum Code civil, keen Recht op Alimenter huet.

Et gëtt scho laang iwwert eng Reform vun der aktueller Prozedur diskutéiert. 2003 hat den deemolegen Justizminister Luc Frieden schonn e Gesetzprojet deposéiert dat als Ziel hat, den Divorce pour faute ofzeschafen. Et huet deemools am exposé des motifs geheescht :

« Cette forme de divorce pousse les époux à se livrer à un combat judiciaire destructeur et à étaler au grand jour la vie privée du couple. Ainsi, l’époux demandeur énonce dans son assignation, en les grossissant, les griefs qu’il invoque contre son conjoint qu’il blâme comme étant l’unique coupable de l’échec du mariage. L’époux défendeur, humilié et blessé par les imputations des fautes contenues dans l’assignation, cherchera à son tour à accabler son conjoint. Très souvent, le tribunal prononcera alors le divorce aux torts partagés. »

Dëse Constat ass haut, 15 Joer méi spéit, nach ëmmer genee sou richteg. De Projet iwwer dee mer haut ofstëmmen, schaaft den divorce pour faute komplett of. Et sinn deemno nach zwee Scheedungsgrënn firgesinn : 1) den divorce par consentement mutuel an

2) den divorce pour rupture irrémédiable des relations conjugales, de sougenannten « Zerrüttungsprinzip ».

D’Bestietnis kann elo opgeléist ginn ouni datt en Accord besteet an ouni datt e Feeler vun dem aneren muss bewise ginn. D’Parteien musse sech awer hei vun engem Affekot begleeden loossen.

Et sinn och Délais’en virgesinn fir ze verhënneren, datt ee sech aus enger Laun eraus scheeden léisst. Wann de Partner des « Zerrüttung » contesteiert, dann kann de Riichter en Delai vun 3 Méint fixéieren bannent dem keng Decisioun geholl gëtt. Dësen Delai kann eemol em 3 Méint verlängert ginn.

D’Ontreiheet, fällt also als juristesch Ursaach fir d’Scheedung ewech, den devoir de fidelité bléift allerdéngs am Artikel 212 bestoen, et heescht deemno weider bei engem Bestietnis « les époux se doivent mutuellement fidélité, secours, assistance ».

Wat d’Scheedung a géigesäitegem Averständnis ubelaangt, sou ass et mat dësem Projet elo esou, datt d’Parteien just nach eemol – an net wei bis elo zweemol mussen beim Riichter erschéngen. Se mussen sech och beim Riichter net duerch en Affekot vertrieden loossen, allerdéngs muss d’Scheedungsconventioun, déi d’Detailer reegelt, vun engem Affekot oder engem Notaire geschriwwen ginn.

De Feeler verschwënnt wei gesot aus der Scheedungsprozedur. Déi eenzeg Platz wou de Feeler nach bestoen bleift ass bei den ekonomesche Konsequenzen. Wann eng vun de folgenden strofrechtlechen gravéierenden Infraktiounen :

attentat à la pudeur,

viol coups et blessures volontaires,

homicide et lésions volontaires,

meurtre,

assassinat,

infanticide,

empoisonnement

géint de Partner oder d’Kand vun der Koppel zu enger Veruerteelung vun engem Partner feiert, dann verléiert dësen, op Demande vun dem aneren Partner, säin Recht op eng pension alimentaire a seng avantages matrimoniaux déi en eventuell vun dem aneren am Kader vun engem contrat de mariage accordéiert krut.

Wat d’ekonomesch Konsequenzen ausserhalb vun dësen exzeptionellen, strofrechtlechen Prozeduren ugeet, sou bleift de Prinzip bestoen, datt de Riichter d’pension alimentaire jee no Besoine vun dem fixéiert deem se zegutt kënnt an no de Méiglechkeeten vun dem den se bezilt. Et kommen awer elo eng ganz Rëtsch Critèren mat an d’Gesetz déi de Riichter nach a Kaf huele muss fir d’Heigt vun der pension alimentaire ze bestëmmen : den Alter an d’Gesondheet, Dauer vum Bestietnis, Zäit déi verbruecht gouf d’Kanner grousszezéien, d’Qualifikatioun a professionell Situatioun, d’Méiglechkeet eng nei Aarbecht ze fannen, de Patrimoine vun de Partner.

D’Period wärend där e Recht op d’pension alimentaire besteet gëtt an der Zäit begrenzt, a kann – sauf circonstances exceptionnelles – net méi laang sinn wei d’Dauer vum Bestietnis.

Wat d’Pensiounsrechter ubelaangt, gëtt eng Méiglechkeet agefouert fir de Conjoint, deen wärend dem Bestietnis opgehalen huet mat schaffen oder manner geschafft huet, e retroaktiven Zeréckkaf vu sengen Pensiounsrechter ze maachen.

Wat de Logement ubelaangt, wann d’Koppel Kanner huet déi manner wie 12 Joer hunn, da kann deen Elterendeel bei dem d’Kanner hiren Haaptwunnsëtz hunn, e Recht kréien fir an der Wunneng ze bleiwen, falls dat am Interessi vun de Kanner ass. Dëst gëtt allerdéngs op eng Dauer vun 2 Joer nom Divorce begrenzt an eng Indemnitéit fir d’Notzung vum Logement gëtt fixéiert.

Et goung an dësem Projet awer och drëms d’Prozeduren ze vereinfachen. Laang gëtt och schonn zu Lëtzebuerg iwwer en Familljeriichter diskutéiert, e Riichter deen wéi a Frankräich, e groussen Deel vun den Affären déi d’Famill betrefft behandelt an deen doduerch kann eng Famill suivéieren, duerch all d’Prozeduren déi kënnen opkommen. Et sinn dat, all d’Affären ronderëm d’Bestietnis, d’Scheedung, d’autorité parentale, d’Mineure déi haut vum Juge des tutelles traitéiert ginn, oder och nach d’Requêten am Kader vun enger Prolongatioun vun der Expulsioun vun enger Persoun aus sengem Doheem wëll se gewalttäteg gouf.

Dëse Riichter fungéiert als « juge unique », deen also eleng siegéiert, wéi haut schonn de Juge de la Jeunesse, de Juge des Tutelles oder insgesamt de Friddensriichter.

Bei méi komplizéierte Fäll, oder wann eng Partei et freet, kann de Riichter d’Affäre awer virun eng kollegial Kompositioun vun 3 Riichter verweisen. Am Appel gëtt d’Affär vun enger ziviller Chamber behandelt, des kann awer och den Dossier bei een eenzelen Appellsriichter verweisen, fir ze erlaben datt einfach Froen, wei d’Horairen vum Droit de visite kënnen séier behandelt ginn.

Des Ännerungen an der Organisatioun vun der Magistratur brénge mat sech datt 9 Magistratsposten geschaaft ginn, an een Tutellesriichter zum Juge aux affaires familiales gëtt. Do dobäi gëtt een zousätzleche Posten als Conseiller op der Cour d’appel geschaaft.

Wat d’Prozedur en tant que telle ugeet : An Zukunft muss een net méi iwwer den Dierwiechter fueren fir den Divorce ze froen, eng Requête op fräiem Pobeier, wéi et se och an aneren Beräicher, zum Beispill dem Aarbechtsrecht gëtt, geet duer.

D’Delaise bannent deenen d’Affären elo behandelt ginn, ginn encadréiert fir z’erméiglechen datt d’Affären net schleefen a schleefe gelooss ginn, an datt déi Onsécherheet déi dacks wärend de Scheedungsprozesser besteet sou séier wei méiglech op en Enn kënnt.

Bannent 15 Deeg vum Dépôt vun der Requête ginn d’Parteien geruff an dono gëtt d’Affär op een Mount fixéiert.

Et gëtt och en aussergewéinlechen Référé agefouert, eng séier Prozedur fir provisoresch Moossnamen decidéieren ze loossen, zum Beispill an dréngenden Fäll wou eng Partei ouni finanziell Ressourcen ass a séier muss eng Léisung fonnt ginn.

De Riichter kritt an dësem Projet ëmmer méi eng Funktioun vum Conciliateur, ouni awer d’Mediatioun a Fro ze stellen.

Weider sinn d’Audienzen elo net méi an der Ëffentlechkeet, dëst fir d’Privatsphäre vun de Parteien, déi hei hiert privat Liewen hei diskutéieren, ze garantéieren, de Riichter kann awer ëmmer d’Publicitéit vun den Débatse ordonnéieren.

Zu deenen dann déi dacks am meeschten ënnert enger Scheedung leiden : de Kanner. De Projet iwwer den mer haut ofstëmmen berengegt och ons Legislatioun op engem Punkt, vun dem mer op mannst zënter engem Arrêt vun der Cour constitutionnelle vum 26. März 1999 wëssen, datt en net verfassungskonform ass : Dispositiounen zu der autorité parentale am Code civil.

Ech zitéieren aus dem Arrêt 07/99 vu virun 19 Joer : « Considérant dès lors que l’instauration du principe de l’exercice privatif de l’autorité parentale par la mère naturelle, créant dès l’abord une inégalité entre le père naturel par rapport à la mère naturelle et au père légitime, et par là-même un clivage entre les situations des enfants selon qu’ils sont nés ou non dans le mariage, constitue une différenciation qui n’est ni adéquate ni proportionnée à son but;

Considérant qu’il s’ensuit que l’article 380, alinéa 1er du Code civil, en ce qu’il attribue l’autorité parentale d’un enfant naturel reconnu par les deux parents privativement à la mère, n’est pas conforme à l’article 11 (2) de la Constitution ».

Dëst Gesetz ännert dat elo. Op Elteren bestuet sinn oder net, si üben an Zukunft gemeinsam d’autorité parentale aus. D’Elteren sollen un éischter Stell zesummen probéieren en Accord iwwer d’Modalitéiten vun der Ausübung vun der autorité parentale an enger Konventioun ze fannen. Des kann dann vum Gericht homologéiert ginn.

Se kréien och d’Méiglechkeet d’Residenz vum Kand ofwiesselnd bei dem engem an dem anere ze fixéieren.

De Riichter kann allerdéngs entscheeden d’autorité parentale, am Interessi vum Kand, just op een vun den Elterendeeler z’iwwerdroen.

D’Méiglechkeet vum Mineur « capable de discernement » fir selwer eng Ännerung vun der autorité parentale oder dem droit de visite ze froen gëtt elo gesetzlech encadréiert. Och haut gëtt dem Mineur ab engem gewëssenen Alter nogelauschtert wann en seng Meenung heizou äussert, den Projet deen ons firlait, gesäit expressis verbis fir, datt de Mineur sech kann un d’Geriicht wenden an datt d’Geriicht dann, falls de Mineur net schonn en Affekot huet, een nennt. Den Affekot muss dann bannent engem Delai vun engem Mount eng Requête beim Geriicht deposéieren wou en dem Mineur seng Demande ervirbréngt. D’Geriicht kann dann dem Mineur a sengen Elteren eng Médiatioun proposéieren fir gemeinsam eng Léisung ze sichen.

D’Méiglechkeet, och nees am Interessi vum Kand, den droit de visite op enger neutraler Platz auszeüben, gëtt och elo gesetzlech verankert, nodeems se sech jorelaang an der Praxis bewäert huet.

Beit Elteren mussen, egal op se d’autorité parentale ausüben oder net, zum Ënnerhalt an der Educatioun vun de Kanner bäidroen.

D’Kanner hunn e Recht op eng Verbindung zu hiren Elteren, an all Elterendeel ass verflicht de Kontakt zu senge Kanner oprecht ze erhalen, op en elo d’autorité parentale huet oder net.

Fir déi Kanner ze schützen, déi riskéieren international gekidnappt ze ginn, gëtt elo d’Méiglechkeet fir de Familljeriichter virgesinn an aussergewéinlechen Fäll, am Pass vum Kand aschreiwen ze loossen datt et net dierf aus dem Land ouni d’Erlaabnis vun den 2 Elteren.

An Zukunft dierfen och Leit en droit de visite ufroen déi net Famill mam Kand sinn an et gëtt eng nei Moossnam agefouert, de mandat d’éducation quotidienne, deen een Elterendeel kann dem anere ginn fir déi üblech Akten vun der autorité parentale auszeüben.

D’Dispositiounen vun dësem Gesetz trieden den 1. Dag vum 4. Mount no der Publikatioun vum Gesetz a Kraaft. Eng Ausnam ass virgesinn fir d’Dispositiounen iwwer d’autorité parentale, des trieden 3 Deeg no der Verëffentlechung a Kraaft.

 

Catégories: gréng Blogs

Interventioun zum néien Unisgesetz

Sam Tanson - 13 June 2018

Mir hunn nach eng ganz jonk Uni. Se kritt zwar elo schonn hiert zweet Gesetz, mais den internationale Standarden no ass se jonk. Dat wësse mer op mannst zënter dem « Times higher education ranking » vun der viregter Woch iwwer jonk Uni’en an dem Lëtzebuerg sech dëst Joer op der 12. Platz klasséiert.

Bei dëse « jonken » Uni’en geet et em Uni’en vun ënner 50 Joer.

D’Uni Lëtzebuerg wéi mer se kennen gëtt et zënter 2003, deem si ganz vill Débats’en virausgaangen, bei hirer Grënnung hu vill Leit net esou richteg doru gegleeft datt et kéint eppes ginn.

Mais, wei sou dacks bei contesteierten Projets’en, haut ass d’Uni net méi aus dem intellektuellen Liewen vu Lëtzebuerg ewechzedenken. Se huet sech an de leschte 15 Joer etabléiert, eng gewëssen Renommée krut, wéi och de Ranking weist, an elo gëllt et d’Strukturen vun der Uni unzepassen. Et gëtt en néit Gesetz, quitt datt sech näischt Fundamentales soll änneren, déi wesentlech Aspekter, dat gouf jo elo och schonn hei duergeluecht, sou wei 2003 fixéiert sollen bleiwen, alle virop den internationale Charakter, (dei jo vu Studentenzäit absolut gelongen ass mat 57% net-Lëtzebuerger Studenten) den enke Lien tëscht Enseignement a Recherche (och hei erfirzestraichen fir d’Joer 2015/2016 600 Doktoranden op 6.000 ageschriwwen Studenten), d’Villsproochegkeet an d’Interdisciplinariteit. Woubäi et bei der Villsproochegkeet e klenge Bemol gëtt, ervirgestrach vum Michel Pauly an engem fräien Mikro um Radio 100,7, an zwar deen, datt de Multilinguismus just op Bachelor a Master bezunn ass, an de Risiko kéint bestoen, wei dat aktuell schonn a verschiddenen Fuerschungszentren de Fall ass, datt all Projet vun enger Thees misst op englesch presentéiert ginn.

Den Haptdreipunkt vun dësem neie Gesetz ass d’Stäerkung vun der Autonomie vun hiren Haaptorgan, dem Conseil de Gouvernance an dem Recteur.

Wéi de fréieren Recteur Rolf Tarrach et den 13. Januar 2018 an enger Tribüne am Lëtzebuerger Wort geschriwwen huet, huet et der Uni bis ewell vrun allem un organisatorescher Autonomie gefeelt.

Dat soll mat dësem Projet behuewen ginn. De Conseil de gouvernance, also dat Organ dat déi generell Politik a Strategie vun der Uni soll festlëen, kritt méi Pouvoire’en a gëtt och verstäerkt. Absolut begréissenswäert ass de Fait, datt hei en Dialog mat den Acteurs’en vum Terrain, a virop der ALUP, der Associatioun vun de Proffe’n stattfonnt huet a verschiddener vun hiere Revendicatiounen an de Projet integréiert goufen. Donieft gëtt awer och de Rektorat gestrafft, just nach de Recteur ass als Organ vun der Uni, als Chef vum exekutive Pouvoir, am Gesetz virgesinn.

Et dierf een awer net vergiessen, datt hei verschidden Intérêts’en am Spill sinn. Jidder Acteur begréisst d’Verstäerkung vun der Autonomie, mais inweifern de Conseil de Gouvernance soll autonom sinn par Rapport zu den Proffen an dem Personal vun der Uni ass déi Fro déi fir vill Opreegung gesuergt huet.

Des Opreegung koum vläicht grad, wëll d’Diskussioun ronderëm de Projet an eng Phase vun Onrouen gefall ass, déi et vrun e puer Méint op der Uni gouf an déi weisen datt Dialog an Transparenz wichteg Elementer am Liewen vun der Uni sinn. D’Uni dierf op kee Fall duerch Krisen geréiert ginn, déi doduerch géinge provozéiert ginn, datt de Conseil de gouvernance net géing op d’Enseignante lauschteren, also op de Conseil universitaire (dat internt Organ vun der Uni) wann en en Avis vum Conseil universitaire anhëlt (zum Beispill betreffend d’Ofschafen vun engem centre disciplinaire oder bei Nominatiounen).

Natierlech gëtt et do déi ënnerschiddlechsten Modeller am Ausland, vu komplett autogéreiert Universitéiten, also vun den Enseignante geréiert bis hin zu managerial gefouerten Institutiounen. Mir hunn e Mëttelwee gewielt : 11 Memberen ginn vun der Regierung genannt, wouvun der 5 Universitéitsproff musse sinn, déi aner eng Experienz a Kompetenz am Heigschoulsecteur oder an der Gestioun a Gouvernance mussen hunn. An och wichteg : Just 40% dierfen dem ënnerrepresentéiert Sex ugehéieren. Datt d’Enseignante e Wuert matzeschwätzen hunn ass elementar, wéi schreift de Professer Luc Heuschling a sengem Commentaire zum Projet de loi: « ce sont les professeurs, spécialistes en leur domaine, qui sont les mieux placés pour innover à la fois en recherche et en enseignement ; dès lors, si la société veut au maximum tirer profit de la capacité d’innovation de ses enseignants-chercheurs, elle doit leur reconnaître, par un acte de confiance et par intérêt mûrement réfléchi, (…) un rôle (crucial, décisionnel) dans les choix stratégiques arrêtés au sein de l’université ».

D’Confiance, d’Vertrauen, ass e Wuert wat am Kontext vun dësem Projet dacks erëmkennt an et ass schued, datt wann ee mat den Vertrieder vun de Proffen diskutéiert, erauskléngt datt si eng gewëssen Mooss u Mësstrauen aus desem Projet erausliesen. Dowéinst ass et jo positiv, datt de Conseil universitaire, dat internt Organ vun der Uni, an där Enseignante, Chercheure a Verwaltungspersonal vertruede sinn, och elo e Recht drop 2 hunn Leit an de Conseil de gouvernance ze nennen, dat war am ursprénglechen Text net virgesinn, an de President vun der Studentendelegatioun genee wei de President vun der Personaldelegatioun sinn d’Office vertrueden. De Recteur wunnt de Reuniounen vum Conseil de Gouvernance bei, ouni e Stëmmrecht ze hunn.

D’Pouvoire’en vum Conseil de gouvernance sinn elo impressionnant, souwuel inhaltlecher Natur, wei : déi generell Ausriichtung vun der Uni, also d’Strategie/ d’Créatioun, Erhalen oder Suppressioun vun Fakultéiten an Interdisziplinären centren, wei personalpolitescher Natur mat wichtege Nominatiounen wei déi vum Recteur, Vice-recteur, Doyens’en, grad wei d’Remuneratiounspolitik an och de Finanzvolet mat dem elementaren Aspekt vun de frais d’inscription. Doweint ass d’Decisioun doriwwer wien an de Conseil de gouvernance an Zukunft kënnt schonn eng iwwer d’Ausriichtung déi een sech fir d’Uni wënscht an et wäert och an Zukunft ganz vill vun der Zesummesetzung vun dem Conseil de gouvernance ofhänken. E puer vun dësen Decisiounen mussen awer nach vum Minister approuvéiert ginn.

Mir gréng begréissen d’Usätz vun dësem Gesetzprojet, mais mir hoffen awer, datt d’Uni als ëffentlech Institutioun weiderhin zwou fundamental Rollen wäert spillen :

-eng Méiglechkeet e breede Spektrum un Fächer ze studéieren an och an engem breeden Spektrum u Fächer Recherche ze bedreiwen.

-fir jidder potentiellen Student zougänglech sinn.

Ech erkläre mech :

Eng Rëtsch kritesch Téin aus dem Beräich vun den Kulturwëssenschaften fäerten déi ëmmer méi finanztechnesch Orientéierung vun der Uni. De « Return on Invest » géing op der Uni ze vill eng wichteg Roll spillen an et wier dacks méi schwiereg fir des Sparten méi Moyene accordéiert ze kréien, dat misst méi beluecht ginn wei fir méi « rentabel » Filièren. Eng Orientéierung reng an des Richtung wier natierlech immens schued, wëll zum perséinlechen an nationalen Räichtum gehéieren net just d’Finanzstudien, mais och e.a. d’Studien vun de Sproochen, der Geschicht an der Philosophie. Ech erënneren an dësem Kontext un d’Missiounen déi am Artikel 3, Paragraf (1) Punkt 3 vum Projet fixéiert sinn, an där och och virgesinn ass, datt d’Uni sech – nieft dem ekonomeschen – um sozialen a kulturellen Developpement vu Lëtzebuerg bedeelegen soll. Den Accent op d’Geeschteswëssenschaften ass néideg fir dëser Aufgab gerecht ze ginn.

Den zweete Punkt betrefft d’Aschreiwungsfraisen. Ech hu vun Diskussiounen héieren fir d’Aschreiwungsfraise fir eenzel Studiëgäng konsequent eropzesetzen. Dat ass fir eng jonk Uni schonn e gewoten Schratt, mais vrun allem géing et riskéieren en delikaten Prezedenzfall ze schafen. Et kann een d’Iwwerleeungen verstoen, och aner Uni’en, virop an den USA an a Groussbritannien hunn horrend Aschreiwungsfraisen, mais ons Uni ass en établissement public, an d’Aschreiwungsfraisen dierfen an onsen Aen keng Hürd fir Studenten duerstellen. All Student muss kënnen d’finanziell Méiglechkeet hunn hei am Land seng Studien ze maen. Mat engem aktuellen Stand tëschent 200 a 400 Euro d’Semester, ass dat méiglech. Wann do eng Null méi dohannert stéing, wier deen fräien Accès op d’Uni net méi ginn. Des Kompetenz läit elo beim conseil de gouvernance, muss awer vum Minister approuvéiert ginn. Et bleift ze hoffen, datt des Fraise fir jiddereen accessibel bleiwen.

Et gi scho genuch Barrièren am Liewen vun engem Schüler fir de Wee op d’Uni ze fannen, finanzieller soll et zu Lëtzebuerg net ginn.

Vu déi verschidde Suergen, déi mat dësem Gesetz verbonnen sinn, ass et gutt datt weiderhin eng extern Analyse am 4 Jores Rhythmus virgesinn ass, déi den Enseignement an d’Recherche, d’Zentralverwaltung an déi intern Organisatioun soll evaluéieren.

Mat där Remark, wëll ech meng Interventioun op en Enn bréngen, ech soen dem Rapporter nach emol Merci fir säin exzellente mëndleche an schrëftlechen Rapport,a ginn den Accord vun der grénger Fraktioun.

Catégories: gréng Blogs

La modernisation attendue de notre droit de la famille

Sam Tanson - 11 June 2018

La fin d’un mariage est déchirante pour les concernés.  Bien plus tragique encore pour l’enfant, s’il y en a, qui prend conscience que son cocon familial sera bouleversé, sans forcément en comprendre les raisons. Une procédure pesante qui envenime souvent durablement les relations au sein d’une famille.

Le projet de loi portant réforme du divorce et de l’autorité parentale sera voté à la Chambre des Députés la semaine prochaine. Ce projet de Felix Braz modernise la procédure actuelle qui passe soit par un accord, soit par une séparation d’au moins 3 ans, soit par une lourde procédure de divorce pour faute, consistant à démontrer que le partenaire a commis des écarts réels ou artificiels dans le cadre du mariage.

Discutée depuis le début de ce siècle au moins, cette réforme va enfin doter le Luxembourg d’un droit de la famille moderne, adapté à la réalité et aux procédures simplifiées. Un juge unique, le juge aux affaires familiales, sera compétent pour traiter plusieurs volets différents en matière du droit de la famille. La famille pourra ainsi être suivie par un même magistrat à travers de nombreuses procédures, permettant au juge d’avoir une vision globale de la famille.

La procédure de divorce est également simplifiée et les décisions pourront être prises plus rapidement. Quant au fond, la réforme traduit avant tout la volonté de pacification des procédures de divorce. Tout comme le projet de loi déposé en 2003 par le ministre de la Justice de l’époque, Luc Frieden, le projet de loi de Felix Braz tend à l’abolition du divorce pour faute. Il ne prévoit désormais plus que le divorce par consentement mutuel et le divorce pour rupture irrémédiable des relations conjugales. Cette dernière cause est nouvelle et découle soit du constat des partenaires que le mariage ne peut être sauvé, soit de la demande d’un des époux, réitérée sur une période déterminée. Si l’autre époux, le défendeur à l’instance, conteste la rupture irrémédiable, le juge peut accorder un délai de 3 mois (renouvelable une fois) aux époux pour leur permettre de se réconcilier.

Le projet de loi tend également vers un traitement plus équitable des conséquences économiques du divorce. Ainsi le juge aura plus de flexibilité pour déterminer la pension alimentaire suivant les besoins du bénéficiaire et dans la limite des facultés contributives du débiteur. Un certain nombre de critères supplémentaires sont pris en compte dans la décision, tel que l’âge et l’état de santé, la durée du mariage, le temps consacré à l’éducation des enfants, la situation professionnelle et le patrimoine des époux.

L’élément de « faute » n’est en principe plus pris en compte pour l’octroi et le montant de la pension alimentaire. Or, en cas de condamnation pénale pour des faits tels que viol, coups et blessures volontaires ou homicide et lésions corporelles volontaires contre le conjoint ou les enfants, l’auteur des infractions perd son droit à la pension alimentaire ainsi qu’aux avantages matrimoniaux.

Le projet de loi introduit également l’autorité parentale conjointe des deux parents et répond ainsi à un arrêt de la Cour constitutionnelle de 1999 qui avait déclaré inconstitutionnelles certaines dispositions du Code civil relatives à l’autorité parentale. Près de 20 ans plus tard, celles-ci sont donc réformées. Dorénavant, en cas de séparation, le juge pourra fixer la résidence de l’enfant alternativement au domicile de chacun des parents. Et finalement, la prise en compte de la volonté des mineurs « capables de discernement » est institutionnalisée. Ceux-ci pourront s’adresser au tribunal pour demander une modification de l’exercice de l’autorité parentale ou de l’exercice du droit de visite et d’hébergement. Déjà aujourd’hui les mineurs se manifestent à partir d’un certain âge pour faire part de leur désaccord concernant la solution retenue. Et déjà aujourd’hui le Code civil prévoit que le mineur capable de discernement est entendu par le juge lorsque le mineur en fait la demande. Le projet de loi soumis au vote la semaine prochaine encadre la procédure en prévoyant notamment que le mineur sera assisté d’un avocat.

Catégories: gréng Blogs

Zukunftspartei zanter 35 Joer – Meng Festried

Christian Kmiotek - 07 June 2018

Altesses Royales, Här Chamberpräsident, Här Staatsminister, Dir Dammen an Hären Regierungsmemberen aus dem In- an Ausland, Ambassadeuren, Deputéiert, Buergermeeschteren, Schäffen a Gemengeréit, Léif Vertrieder aus der Zivilgesellschaft, aus der Politik an aus de Verwaltungen, Léif Gäscht, déi gréng an och déi manner gréng, vun No a vu Fär,

Ech begréissen Iech ganz häerzlech op der Feier fir de 35. Anniversaire vun eiser Partei. Houfreg si mer drop, dass den däitsche grénge Minister a Parteipresidente-Kolleg Robert Habeck bei eis ass fir eis z’ inspriréieren a mat eis no vir ze kucken. Ech sinn haut fir de Réckbléck zoustänneg.

„Mir gréng sinn déi eenzeg Partei-Neigrënnung vun deene leschte 50 Joer, déi sech duerchsetze konnt, well mir gréng si souwuel kommunal, wéi national, wéi och europäesch fest verankert.“

Mir sinn ëmsou méi dankbar, datt Dir alleguer, a speziell Dir, Monseigneur a Madame, bei eis komm sidd, well Är Präsenz, well dëse volle Sall, eis Trouscht spent an engem emotional schwéiere Moment fir déi gréng Bewegung. Et ass op den Dag 3 Wochen hier, datt mir déi onfaassbar Noriicht kruten: de grénge Staatssekretär Camille Gira ass dout! Gestuerwen eng Stonn nodeems hien an der Chamber bei der Verdeedegung vu “sengem” Naturschutzgesetz zesummegebrach wor. Mir verléieren en aussergewéinleche Mënsch, e grénge Politiker, en engagéierte Matstreider, en onermiddleche Schaffert. Ech bieden Iech ëm eng Gedenkminutt fir de Camille Gira.

Merci.

De Camille Gira wor deen éischte grénge Buergermeeschter am Land. Hien huet als Virbild eis Gréngen all Loscht gemat, eis lokal z’ engagéieren, well hie gewisen huet, dass mer grad an der Gemeng Villes bewege kënnen. An ech sinn iwwerzeegt, datt déi éischt gréng Regierungsbedeelegung just méiglech wor, well mer um Gemengeplang bewisen hunn, datt mer konsensfäheg sinn a Verantwortung droe kënnen.

Monseigneur, Madame, Léif Gäscht,

Mir gréng sinn déi eenzeg Partei-Neigrënnung vun deene leschte 50 Joer, déi sech duerchsetze konnt, well mir gréng si souwuel kommunal, wéi national, wéi och europäesch fest verankert. Wourunner läit dat? Ech denken, un eise Wäerter, déi mer mat engem groussen Deel vun der Bevëlkerung deelen. Wa mer iwwer gréng Wäerter schwätzen, da blécke mer och op déi gréng Wuerzelen zeréck. Ech kann net op se all agoen a gräifen der dofir nëmmen e puer eraus.

„Eng vun eise ville Wuerzelen – an se ass am Ament ganz aktuell – ass de Gréngen hire kritesche Bléck op de Wuesstem.“

Eng vun eise ville Wuerzelen – an se ass am Ament ganz aktuell – ass de Gréngen hire kritesche Bléck op de Wuesstem. Vill vun eis hunn deemools an de 1970er Joeren d’ Buch “Die Grenzen des Wachstums” vum Club of Rome gelies. An esou ass eis bewosst ginn, datt et kee Planéit B gëtt, an datt mer eise Planéit ëmmer nëmme fir eng Generatioun geléint kréien.

Spéitstens mat der Uelegkris an der Stolkris gouf eis kloer, datt d’ Ressource begrenzt sinn an datt de Wuesstëm net kann onendlech sinn. Deemno ass a bleift de Schutz vun eisen natierleche Ressourcen wéi Waasser, Buedem a Loft als Liewensgrondlagen a Gesondheetsfaktor ëmmer e gréngt Thema. Awer och den Energie-Honger vun den Industrienatiounen, wou et an eisem Verständnis drëm geet, regenerativ Alternativen zu de fossilen Energiequellen z’ entwéckelen.

Mee och Honger an Nout an Ongerechtegkeet hunn eis net kal gelooss, a mir sinn eis bewosst ginn, datt et eng global Spléck gëtt tëscht dem räiche Norden an dem aarme Süden. No an no hu mir och bekäppt, datt vill Phänomener zesummen hänken an zwar weltwäit. Eng Vue, déi haut nach a ville Länner esou munneche Politiker feelt, déi mol net capabel sinn den Zesummenhang ze verstoën tëscht der Klimaverännerung an de Migratiounsbewegungen – fir just dat Beispill  erauszegräifen.

Eng aner vun de Gréngen hire Wuerzelen läit an der Friddensbewegung vun den Enn 1970er – Ufank 1980er Joeren an dem Wonsch, an Zäite vu Block-Konfrontatioun an Oprüsten, Fridden ze schafe mat ëmmer manner Waffen.

Eng Iwwerleeung, déi ëmmer nach aktuell ass, well Kricher Verdreiwung a Flucht no sech zéien an domat erëm aner Konflikter a weider mënschlech Tragedien, besonnesch fir Fraen a Kanner. Woubäi d’ Kricher jo ëmmer ëm déi knapp Ressource gefouert gi. Deemno ass och haut d’ Oprüste leider aktuell, a mir gréng gesinn zum Beispill d’ Fuerderung, datt d’ NATO-Länner hir Rüstungsdépensë verbindlech sollen op 2% vun hirem PIB eropschrauwe kritesch.

„Sollt et Ouschteren 2019 zanter Laangem erëm bei eis am Land zu engem Ouschtermarsch kommen, sinn ech derbäi. Dat huet och dermat ze dinn, datt bei eis an der Famill ëmmer iwwer de Krich zu Lëtzebuerg Rieds goung a wéi d’ Leit an deene Jore gelidden hunn.“

Ech muss Iech den Owend eppes beichten: ech war zwar am Hierscht ’81 mam Lëtzebuerger Bus mat op d’ Friddensmanif am Bonner Hofgarten, mee ech weess net méi wat den Heinrich Böll gesot huet, well ech mech méi fir eng Moss interesséiert hunn – politesch korrekt: fir eng weiblech Participante.

Trotzdem verspriechen ech Iech: sollt et Ouschteren 2019 zanter Laangem erëm bei eis am Land zu engem Ouschtermarsch kommen, sinn ech derbäi. Dat huet och dermat ze dinn, datt bei eis an der Famill ëmmer iwwer de Krich zu Lëtzebuerg Rieds goung a wéi d’ Leit an deene Jore gelidden hunn.

 

déi gréng sinn och verankert am Feminismus.

Haut schwëtzt ee wuel éischter vu Genderthemen, an déi betreffe genee esou gutt Fraë wéi Männer. Et geet ëm déi selwecht Chance fir jiddereen, egal wéi säi Geschlecht ass. Do si mir gréng natierlech houfreg op eis éischt Regierungsbedeelegung, déi zum Beispill derfir gesuergt huet, datt dëst Joer bei de Chamberwalen genderméisseg méi équilibréiert Lëschten untrieden. A bei den Europawalen d’ näächst Joer gesäit et nach besser aus.

Elo wënsche mir eis nach méi ausgeglache Lëschten bei der Konkurrenz fir d’ Gemengewalen 2023. Mir gréng mussen eis jo net verrenken, well d’ Paritéit Fraë-Männer bei eis zanter ëmmer praktizéiert gëtt.

Ech war dëslescht am dänesche Parlament an engem Meeting tëscht skandinavesche grénge Parteien an deenen aus Holland, Däitschland a Lëtzebuerg. Ofgesinn dervun, datt dat dänescht Parlament als eenzegt vun der Welt säin eegene Béier braut,

(Här President, wéi wär et mat engem eegene Bio-Wéngert fir de Crémant an der Chamber?)

ass mer deen Dag nach opgefall, datt d’ Presidentin vun den dänesche Gréngen an der Reunioun gestréckt huet. Do sinn ech ganz nostalgesch ginn, well ech dat scho laang net méi bei eis an enger grénger Versammlung erlieft hunn. Als net-multi-tasking-fähege Mann, sinn ech vum Strécken an enger Reunioun jo souwisou ausgeschloss, well ech net capabel sinn, gläichzäiteg déi richteg Schlëpp faalen ze loossen an e kloere Gedanken ze faassen.

„Ech sinn immens houfreg, President vun enger Partei ze sinn, déi fort komm ass vum Anti- a just Nee-Soen. Ech denke, wann dat net geschitt wär, da géif et déi gréng scho laang net méi ginn. Haut si mir eng Partei déi konsequent positiv ausgeriicht ass; mir proposéiere Léisungen. Mir gréng sinn d’ Partei vum Jo zu enger besserer Zukunft.“

Wa mer scho bei der Nostalgie sinn: selbstverständlech denken ech och mat grousser Freed un d’ Ufäng vun der Anti-Atom-Beweegung zeréck, déi leider nach keen Enn fonnt huet. Dir kënnt Iech net virstellen, wéi schéin et wor seng Deeg – an och emol Nuechten – zu Remerschen op dem Site vun engem – wéi mer haut wëssen – erfollegräich verhënnerten Atomkraaftwierk ze verbréngen. Well dat hei eng gediege Veranstaltung ass, kann ech keng méi intim Detailer zum Beschte ginn. Frot mech einfach herno beim Patt.

 

Léif Invitéen,

Ech sinn immens houfreg, President vun enger Partei ze sinn, déi fort komm ass vum Anti- a just Nee-Soen. Ech denke, wann dat net geschitt wär, da géif et déi gréng scho laang net méi ginn. Haut si mir eng Partei déi konsequent positiv ausgeriicht ass; mir proposéiere Léisungen. Mir gréng sinn d’ Partei vum Jo zu enger besserer Zukunft.

  • Jo zu Solarenergie a Wandkraaft.
  • Jo zu liewensäerten Dierfer a Stied, Jo zu enger intakter Natur.
  • Mir förderen d’ Zesummeliewe vun de Kulturen, de Sproochen an de Natiounen.
  • Mir setzen eis a fir gesond Iessen a proppert Waasser.
  • Mir sti fir eng modern an inklusiv Gesellschaft, déi jidderengem seng Bedierfnisser respektéiert a kee lénks leie léist.
  • Mir schaffen un innovative Léisunge fir déi komplex Problemer vun eisem Land.
„Gegrënnt um Nationalfeierdag viru 35 Joer, hunn déi gréng sech ëmmer agesat fir dëst Land, fir seng multikulturell Leit a seng wonnerbar Natur.“

Altesses Royales, Léif Éieregäscht,

déi gréng hunn hire Mission-Statement vun 1983 erfëllt. Mir waren ugetrueden, fir eng Alternativ ze sinn tëscht deem lénken an deem rietse Block. A mir wollten der Ekologie eng Stëmm ginn. Haut kënne mir gréng ganz houfreg feststellen, datt mir Lëtzebuerg a seng politesch Landschaft entscheedend verännert hunn.

Fir t’ éischt an der Oppositioun, wou mer déi demokratesch Ritualer entstëbst, d’ Entscheedungsprozedure méi transparent gemeet an den ekologeschen Iwwerleeungen de Wee bereet hunn.

Dann zanter 2013 an der Regierungsverantwortung, wou mer eist Land entscheedend weiderbruecht hunn: duerch e qualitative Sprong no vir an der Gesellschaftspolitik, duerch déi iwwerfälleg Moderniséierung vun eisen Infrastrukturen an duerch d’ Abezéie vun der Ekologie an déi politesch Entscheedungen.

Ëmmerhin handelt et sech bei der ekologescher Komponent vun der Nohaltegkeet ëm eis Liewensgrondlagen, ouni déi weder dat Ekonomescht nach dat Soziaalt méiglech sinn.

„Mir gréng sinn d’ Zukunftspartei zanter 35 Joer. Well mer eist Land a seng Leit gär hunn.“

Gegrënnt um Nationalfeierdag viru 35 Joer, hunn déi gréng sech ëmmer agesat fir dëst Land, fir seng multikulturell Leit a seng wonnerbar Natur. An dat maache mir mat genee esouvill Leidenschaft och an Zukunft. Mir gréng sinn d’ Zukunftspartei zanter 35 Joer. A mir hunn d’ Kraaft an d’ Iddien, fir nach laang d’ Zukunft vu Lëtzebuerg ze gestalten.

Well mer eist Land a seng Leit gär hunn.

Catégories: gréng Blogs

Question parlementaire concernant les procédures de demandes de protection internationale et l’hébergement des personnes concernées

Sam Tanson - 05 June 2018

La loi du 18 décembre 2015 relative à la protection internationale et à la protection temporaire dispose en son article 26 que la demande de protection internationale est traitée endéans un délai raisonnable et au maximum endéans un délai de 6 mois.

Suivant les associations actives dans ce domaine, ce délai est très souvent dépassé et les demandeurs sont dans l’attente d’une décision. Elles estiment qu’un système de « tracking » de la demande pourrait alléger l’attente des demandeurs.

Depuis avril 2017, une nouvelle structure d’hébergement d’urgence (« SHUK ») a été installée à Kirchberg pour des demandeurs qui ont vocation à être transférés dans un autre état membre de l’UE en vertu du règlement Dublin. Beaucoup de demandeurs disparaissent avant leur transfert effectif. Parmi ces demandeurs, il y a :

  • des personnes éligibles au statut de réfugié qui n’ont pas entamé de procédure d’asile dans un autre état membre, mais qui tombent sous l’application du règlement Dublin (empreintes digitales, visa, etc.) ;
  • des personnes qui ont déjà déposé une demande de protection internationale dans un autre état membre ;
  • des personnes qui ont déjà eu une réponse négative en Europe.

Dans ce contexte, je voudrais poser les questions suivantes à Monsieur le Ministre :

  1. En ce qui concerne le délai de traitement des demandes de protection internationale, combien de demandes ont été formulées depuis l’entrée en vigueur de la loi de 2015 et endéans quel délai ont-elles été traitées ?
  2. Un système de « tracking » des demandes en faveur des demandeurs est-il envisagé par le Gouvernement ?
  3. Le Luxembourg a pris 1225 décisions d’incompétence pour des cas Dublin en 2017.
    1. Parmi eux, combien de personnes avaient déjà déposé une demande d’asile dans un autre état membre ?
    2. Combien n’avaient jamais déposé de demande dans un autre état membre ?
    3. Combien avaient déjà reçu une réponse négative dans autre pays européen ?
    4. Combien ont effectivement été transférés vers un autre état membre ?
  4. Combien de personnes sont actuellement accueillies dans la SHUK ?
  5. Quel est le taux de disparition des demandeurs d’asile de cette structure depuis avril 2017 ?
  6. Quel bilan le Gouvernement tire-t-il de la SHUK après une année ?
  7. La structure ne contribue-t-elle pas à une fragilisation de la prise en charge des demandeurs d’asile à des fins dissuasives aux dépens de la protection des personnes ?
  8. Ces personnes ne pourraient-elles pas être accueillies dans d’autres structures d’accueil ?
Catégories: gréng Blogs

Camille Gira 1958 – 2018

Christian Kmiotek - 02 June 2018

Monseigneur, Madame,

Här Chamberpresident,

Här Staatsminister,

Léift Simone, léiwe Michel a Louis,

Dir Dammen an Hären Ministere, Staatssekretären, Deputéiert an offiziell Vertrieder aus dem In- an Ausland,

Léif Famill a Frënn,

Ech sinn dem Staatsminister dankbar, dass hie mir d’ Geleeënheet gëtt – als Vertrieder vu villen Aneren – bei dëser Gedenkzeremonie den aussergewéinleche Mënsch, de grénge Politiker, den engagéierte Matstreider, den onermiddleche Schaffert Camille Gira ze würdegen.

“Wann de Wand vun der Verännerung iwwer d’ Land bléist, da bauen déi eng Maueren, déi aner awer baue Wandmillen”

Dat war e Saz, deen de Camille nawell gäre benotzt huet, fir auszedrécken, dass ee muss nei denken, dass ee muss anescht handelen, well ee soss vun de Verännerungen iwwerrullt gëtt.

De Camille hat e Gespier fir d’ Verännerungen déi komme mussen. Wéi e Seismograf huet hien op déi klengst Ongerechtegkeet reagéiert. An där Ongerechtegkeeten huet de Camille der vill gespuert: an eisem Nord-Süd-Verhältnis, an eisem oniwwerluechten Ëmgank mat der Natur, an eisem Ressourceverbrauch wéi wann et kee Muer géif, am Clivage tëscht Deenen déi vill hunn an ouni Suerge genéisse kënnen an deenen Aneren, déi um Enn vum Mount net méi iwwer d’ Ronne kommen.

Beim Camille huet d’ Analyse ni laang gedauert, direkt koumen éischt Iddie wéi ee kéint eng Verännerung, eng Verbesserung, eng optimal Léisung erbäiféieren. An da goufen direkt d’ Äerm eropgestrëppt a lassgeluecht.

Mee ni eleng. De Camille konnt net nëmme mat Amenter virulent sinn … hie war virun allem andauernd héich ustiechend. Hien huet militéiert, rassembléiert a motivéiert.

An deem Sënn war et eng gellech Lektioun a punkto Asaz an a fir d’ Zivilgesellschaft, wann een all déi Noriff op hien vu Veräiner, Organisatiounen a Federatiounen gelies huet. Fir déi gréng Bewegung war de Camille e wichtege Mediateur dee gehollef huet, en zerstriddenen Trapp gréng Hénger ouni Kapp – mat zäitweis dräi konkurréierende Lëschte bei Chamberwahlen – zu enger sérieuxer Partei mat Fraktiounsstatus ze formen.

 

De Camille Gira wor deen éischte grénge Buergermeeschter am Land, a wat fir een !

  • Ass meng Gemeng ze kleng an ze schwaach? Da schaffe mer regional enk zesummen.
  • Huet eis Gemeng net genuch finanzielle Spillraum? Da valoriséiere mer eis Mineralwaasserquellen an engem Public-Private-Partnership, laang ir deen Terme a Moud koum.
  • Wëlle mer eis Natur net duerch eng Héichspannungsleitung verschampeléiere loossen an eis Leit net dem Elektrosmog aussetzen? Da spuere mer Stroum a produzéieren eis eegen Energie. Äddi Kuel a Gas an Ueleg an Atom. Moie Waasser a Wand; Biogas, Holz a Sonn. Energie aus der Regioun fir d’ Regioun. An Aarbecht an der Regioun.
  • Hu mer sozial schwaach Famillen an der Gemeng? Dann hëllefe mer deene gezielt aus der Energieaarmut mat engem innovative Finanzéierungsmodell.
  • Wéi kënne mer eis regional Ekonomie stäerken? De Camille sicht Alliéiert an der Geschäftswelt, an de BEKI, déi éischt a bis elo eenzeg Lëtzebuerger Lokalwährung ass gebuer.

Lauter Virbiller mat Ausstrahlung iwwer d’ Gemengegrenzen an d’ Landesgrenzen eraus. Ëmmer e Succès, well de Camille ni vergiess huet d’ Mënsche mat an d’ Boot ze huelen. De Camille huet esou erfollegräich Biergerbedeelegung praktizéiert, datt et kee Wonner ass, datt hien ëmmer erëm gewielt gouf, an der Gemeng an am Bezierk Norden.

 

2013 – endlech de Sprong an d’ Regierung. Endlech kritt de Camille d’ Méiglechkeet villes vun deem ze verbesseren, wat hie joerzéngtelaang als Buergermeeschter gestéiert an als Oppositiounsdeputéierten kritiséiert hat.

Ech erënnere mech un eis intern Diskussiounen Ufank Dezember 2013. An un de Camille dee seet:

“Den Titel ass mir egal, Minister oder Staatssekretär, Haaptsaach ech kann eppes bewegen”.

 

Monseigneur,

Äre Staatssekretär Camille Gira huet verännert a bewegt, hien huet säi Gestaltungsspillraum voll genotzt; hien huet koordinéiert a vermëttelt tëscht Departementer an Administratiounen a Ministèren. Vill vun Äre Ministere wëssen ëm seng Hartnäckegkeet beim Verhandelen, mee och ëm säin häerzhaft Laache wann de Kompromëss ënner Daach wor.

Här Chamberpresident, Här Staatsminister, Léif Éieregäscht,

Wat fir eng Tragedie, datt de Camille – nëmmen e puer Minutte virum Vote vu “sengem” Naturschutzgesetz, un deem hien an de leschte véier an en hallef Joren esou acharnéiert geschafft hat –  huet misse lassloossen.

Ëmgefall wéi eng Eech am Stuerm.

Léift Simone, léif Jonge, léif Famill,

Äre Camille huet Grousses geleescht fir säi Land, seng Gemeng, seng Matmënschen. Fir d’ Allgemengheet esou vill geleescht an engem vill ze kuerze Liewen.

Keen Trouscht, mee Éier, Erënnerung an Unerkennung bedeit déi Lann, déi elo hei zum Gedenke steet.

An dass besonnesch d’ Beien op esou e Bam fléien, mécht dem Camille sécherlech grousseg Freed.

 

(VIDEO)

Catégories: gréng Blogs

Question parlementaire relative à l’auditorium de la Villa Louvigny

Sam Tanson - 30 May 2018

La Villa Louvigny a vu naître la Compagnie Luxembourgeoise de Radiodiffusion. Dans ces locaux historiques, bénéficiant d’une situation exceptionnelle dans le parc municipal de la capitale, se trouve un auditorium pris en service dans les années 1950, pouvant accueillir jusqu’à 400 personnes. Des musiciens de renommée internationale s’y sont produits et y ont été enregistrés et la Villa a accueilli le Grand prix Eurovision de la Chanson à deux reprises, en 1962 et en 1966. Les émissions radio de RTL ont été diffusées à partir du studio y situé jusqu’à son déménagement au Kirchberg.

L’auditoire a été planifié et réalisé pour l’orchestre de Radio Luxembourg et bénéficie donc d’une acoustique spécifique en vue de l’enregistrement de concerts. C’est une salle pour travailler, enregistrer et se produire devant un public. Une rareté et une salle que les professionnels du secteur souhaiteraient pouvoir utiliser à des fins de répétition, d’enregistrement (également de musique de films) et de concerts.

Des exemples à l’étranger montrent que ce genre de salles peut être réaffecté à sa destination d’origine (p.ex. la Maison de la Radio, Place Flagey à Bruxelles).

Dans ce contexte, j’aimerais poser les questions suivantes au Ministre de la Culture :

  1. Est-il prévu de classer la Villa Louvigny y inclus son auditorium comme monument national ?
  1. Ne serait-il pas envisageable de réaliser un projet comme celui de la Maison de la Radio Flagey à Bruxelles ?
  1. Dans tous les cas de figure, n’est-il pas possible d’ouvrir l’auditorium aux professionnels du secteur afin d’y répéter et enregistrer ?
  1. Ne serait-il pas opportun d’organiser de nouveau des concerts dans l’auditorium ?
Catégories: gréng Blogs

Fro un de Schefferot betreffend den Trafic zu Weimerskirch

Sam Tanson - 28 May 2018

Les résidents de Weimerskirch, et plus particulièrement des rues Schetzel et des Sources se sont réunis en une amicale afin de rendre attentifs au sujet de la situation du trafic de transit dans leurs rues et le non respect des règles du Code de la route.

En octobre 2017 une réunion a eu lieu à la mairie et il a été retenu que le service de la circulation allait analyser la situation et tenter d’élaborer une solution. Ont été abordées la question de la possibilité de sens uniques et/ou de rétrécissement de la chaussée à différents endroits afin de réduire la vitesse. Il avait été été convenu qu’une réunion participative serait organisée avec les résidents afin de discuter des différentes possibilités.

La protection du trottoir entre les rue Schetzel et rue des Sources au niveau de la rue de Kirchberg a également été discutée puisque les voitures empruntent régulièrement le trottoir afin de dépasser les véhicules par la droite. Un chantier ayant été planifié à cet endroit, montée rue Schetzel, il avait été indiqué que des mesures pourraient être prises lors de ces travaux.

Je souhaite dès lors poser les questions suivantes au Collège échevinal :

  • Quelles sont les solutions qui ont été élaborées par le service de la Circulation ?
  • Est-ce qu’une réunion avec les citoyens sera organisée et dans l’affirmative à quelle date ?
  • Est-ce que les mesures de protection du trottoir ont été réalisées ou le seront à brève échéance ?
Catégories: gréng Blogs

Question parlementaire relative aux aides financières allouées par le « FILMFONG »

Sam Tanson - 28 May 2018

Le comité du Fonspa est – suivant l’article 12 de la loi du 22 septembre 2014 relative au Fonds national de soutien à la production audiovisuelle – en charge des décisions suite aux demandes d’obtention d’une aide financière sélective prévues à l’article 9 de ladite loi.

Suivant les informations recueillies sur le site Internet du Fonspa, quatre sessions ont été fixées pour le comité de sélection pour février, avril, juillet et novembre 2018. Une cinquième session pour l’année 2018 a déjà été annulée.

Pour la session de février 2018, le montant de 14.263.000 € d’aides financières a été alloué et le comité de sélection avait analysé 38 projets pour un montant total d’aides sollicitées de 26.044.098 €. Pour la session de mars 2018, le montant de 6.819.959 € d’aides financières a été alloué et le comité avait analysé 21 projets pour un montant total d’aides sollicitées de 13.748.253 €. Le comité dispose d’un budget de 33 millions d’euros pour l’année 2018 (100 millions sur 3 ans). Près de deux tiers du budget pour l’année a dès lors déjà été dépensé pourcette année.

On peut lire dans le communiqué relatif à la réunion du comité de février 2018, que « une séance de décision au courant de l’année devrait être annulée ». Or, les professionnels du secteur organisent souvent leur travail autour des dates des sessions du comité de sélection et nécessitent donc une certaine prévisibilité.

En parallèle, une discussion ausujet de l’aide financière sélective qui est basée sur un système à points est lancée sur le terrain. Ce système dépend d’une grille qui récapitule les caractéristiques principales de la production (techniciens, jours de tournage, lieux de tournage, etc.) et selon laquelle l’aide à la production des films est déterminée.

Dans ce contexte j’aimerais poser les questions suivantes à Monsieur le Ministre :

1.    Monsieur le Ministre peut-il confirmer qu’une session supplémentaire du comité de sélection du Fonspa n’aura pas lieu cette année, de sorte qu’il n’y aura au final que trois sessions ?

2.    Monsieur le Ministre estime-t-il que le budget consacré au Fonspa est suffisant ?

3.    Est-il prévu de revoir le « système à points » et dans l’affirmative quel est le système qui est envisagé pour remplacer ce système ?

Catégories: gréng Blogs

gréng Blogs