gréng Blogs

Concerne: Question au collège échevinal au sujet du projet-pilote concernant les enfants à haut potentiel

Sam Tanson - 07 Mars 2018

Madame le Bourgmestre,

En application de l’article 9 du règlement d’ordre intérieur du Conseil communal, je souhaite soumettre les questions suivantes au Collège échevinal:

Au cours de l’année scolaire 2015-2016 un projet-pilote a été lancé concernant les enfants à haut potentiel scolarisés dans les écoles de la Ville de Luxembourg. Ceux-ci peuvent suivre des cours hebdomadaires à l’école du Rollingergrund, adaptés à leur besoin. Un long travail de préparation et de spécialisation dans ce domaine a précédé la mise en place du projet.

L’information circule que l’arrêt du projet-pilote à Rollingergrund serait décidé.

Or, dans une réponse à une question parlementaire, le ministre de l’Education écrivait encore le 25 juillet 2016 que « mon département a accepté une demande de majoration des ressources pour l’année scolaire 2016-2017 ». Dans la même réponse, le ministre écrivait « Une évaluation du projet est actuellement en cours : les enfants concernés ainsi que leurs parents ont été priés de répondre à un questionnaire dont l’évaluation sera réalisée sous peu par les membres d’un groupe de travail chargé du suivi du projet. Un soutien du SCRIPT est également prévu dans ce contexte. Il serait donc trop tôt de vouloir tirer à l’heure actuelle des conclusions définitives ».

Je vous prierai dès lors de répondre aux questions suivantes :

  • Combien d’enfants suivent actuellement les cours du projet-pilote ?
  • Est-ce que le projet sera arrêté ou maintenu au-delà de l’année scolaire en cours ?
  • Dans l’affirmative, quel sera l’agencement entre le centre du suivi des enfants et jeunes intellectuellement précoces à créer suivant le projet de loi portant création de centres de compétences en psycho-pédagogie spécialisée en faveur de l’inclusion scolaire (n°7181) et le projet-pilote ?
  • Dans la négative, de quelle offre les enfants concernés bénéficieront-ils pendant les heures de cours à partir de la rentrée 2018-2019 ?
  • Quels sont les résultats de l’évaluation dont il est question dans la réponse du ministre?

 

Je vous prie d’agréer, Madame le Bourgmestre, l’expression de mes salutations distinguées.

 

Sam TANSON,    Conseillère communale

 

Catégories: gréng Blogs

Question au sujet du Foyer scolaire à Cessange

Sam Tanson - 01 Mars 2018

Question urgente

Concerne: Question au collège échevinal au sujet du Foyer scolaire à Cessange

Madame le Bourgmestre,

En application de l’article 9 du règlement d’ordre intérieur du Conseil communal, je souhaite soumettre les questions suivantes au Collège échevinal:

Un parent d’élève a contacté aujourd’hui des membres du conseil communal en les informant que le foyer scolaire à Cessange ne fonctionnerait pas correctement pour les enfants du précoce (et selon lui du préscolaire). A défaut de locaux et mobiliers adéquats, les enfants ne disposeraient par exemple pas d’un local séparé pour faire une sieste ou se reposer, ce qui à cet âge-là est pourtant primordial. Les enfants devraient également s’asseoir sur des chaises et des tables trop grands pour leur âge, de manière à ce qu’ils devraient se mettre sur leurs genoux pour manger.

Une réponse du même jour de la part du responsable opérationnel du service des Foyers scolaires explique que la problématique des meubles n’existerait que pour les enfants du précoce, tout en précisant que le personnel encadrant veillerait à respecter les mesures de sécurité nécessaires. Les meubles adéquats se trouvent dans les locaux du nouveau foyer rue Verte, alors que celui-ci aurait dû être ouvert le 19 février de cette année. Concernant la question de la séparation de la salle de repos et de la salle de jeu pour le précoce, il explique qu’il serait possible de séparer la grande pièce utilisée par les enfants par une cloison et de l’illuminer de manière séparée.

Je vous prierai dès lors de répondre aux questions suivantes :

  • A lire l’email du responsable précité, le foyer scolaire pour les enfants du précoce n’a pas encore été intégré dans les locaux de la rue Verte à défaut d’accord définitif de l’ITM. Le collège échevinal est-il intervenu auprès de l’ITM pour obtenir l’agrément dans l’immédiat ? Endéans quel délai cet agrément sera accordé ?
  • Si aucun délai n’est fixé, pourquoi n’est-il pas possible de déménager le mobilier entièrement adapté à l’âge des enfants de quelques centaines de mètres pour assurer le bien-être des enfants ?
  • En général, ne faudrait-il pas intervenir auprès des ITM alors que dans de nombreux cas les agréments pour les foyers scolaires se font attendre. Attente qui se fait au détriment des enfants concernés qui soit ne peuvent pas intégrer un foyer scolaire faute de place, soit ne peuvent bénéficier des meilleures conditions possibles ? Dans le cas précis de Cessange, les parents ont ainsi déjà été informés au mois de novembre que « des retards seraient survenus au niveau des contrôles techniques ».
  • Les parents constatent également que dans la cour d’école il n’y a pas encore de jeux pour les enfants en bas âge. Quand est-ce qu’il sera remédié à cette situation ?

Je vous prie d’agréer, Madame le Bourgmestre, l’expression de mes salutations distinguées.

 

Sam TANSON

Catégories: gréng Blogs

Kommt mir huelen de Fouss vum Gas, da kréie mer d’ Kéier!

Christian Kmiotek - 26 Février 2018
Méng Grondsazried zum Wuestëmum grénge Kongress de 24.2.2018

Gudde Moien, léif gréng Kolleginnen a Kollegen,

Et ass schéin, Iech all zu souvill an esou monter erëm ze gesinn. Ech hu mer geduecht, et op dësem fréie Samschdeg mueren e bësse méi gemittlech ugoen ze loossen.

Dir wësst, ech kann och anescht. Wa mer wéilte, kéinte mer “good cop – bad cop” spillen; Felix du giffs dee Gudde spillen an ech dee Béisen, sou wéi den “Doctor Wiseler an de Mister Spautz”.

Voilà, domat ass bewisen, och ech ka mam décken Hummer. Mee an dëse politesch wibbelegen Zäiten hunn ech geduecht, datt e bëssen Entschleunigung jidderengem gutt deet. Dofir: Kommt mir huelen de Fouss vum Gas!

„Fir deen éischten 100.000er Plus hu mer 34 Joer gebraucht, dono 16 Joer an elo krute mer 100.000 nei Matbierger bäi an nëmmen nach 8 Joer.“

Vläit huet dat jo och mam Alter ze dinn, datt ech méi gedam ginn? Ech hat dëslescht Gebuertsdag. Gebuer 1960. Aha, hei sinn der e puer, déi si féx am Rechnen! Jo, 58. Ma wann Dir esou frou mat den Zuele sidd, da ginn ech Iech der nach e puer.

(c) Chris Karaba – Wort.lu

Vu menger Gebuert 1960 bis haut, 58 Joer méi spéit, huet sech eis Bevëlkerung verduebelt: vun 300.000 op 600.000 Awunner. Wann een dëse Wuesstem an 3 Schrëtt zu jeeweils 100.000-Awunner andeelt, da mierkt een dat hei:  Fir deen éischten 100.000er Plus hu mer 34 Joer gebraucht, dono 16 Joer an elo krute mer 100.000 nei Matbierger bäi an nëmmen nach 8 Joer. Ech war jo ni gutt an der Mathé, mee dat do nennen ech en exponentielle Wuesstem!

An dann hunn ech nach net déi 100.000 nei Aarbechtsplazen derbäi gerechent, déi an de leschten 11 Joer geschaf goufen, mat hirem Verkéier aus alle Géigende vum Land an iwwer d’ Grenzen eraus. Sou huet sech an deene 16 Joer vun 2000 bis 2016 eleng d’ Zuel vun de Frontalieren méi wéi verduebelt : vun ënner 90.000 op  iwwer 180.000.

Datt mer eis gutt verstinn: mir gréng maache kee Walkampf um Réck vun de Frontaliers. Lëtzebuerg huet d’ Grenzgänger geruff an ouni si wär eisen aktuelle Wirtschaftsmodell guer net méiglech. Mir gréng sti fir e weltoppent an accueillant Lëtzebuerg. Dat verhënnert awer net, datt mir eis ganz vill Froe stellen iwwer eis Industriepolitik, iwwer eise Wirtschaftsmodell an iwwer d’ Zukunft vun eisem gemeinsame Land.

„Waasser, Loft, Gréngs, Buedem: Mir stoussen un natierlech Grenzen déi mer musse respektéieren.“

Jidderee vun eis spiert all Dag de wëlle Wuesstem deen ech grad mat Ziffere beluecht hunn: e weist sech am Stau op eise Stroossen, e weist sech un de Wunnengspräisser déi nëmmen nach de Wee no uewe kennen, e weist sech als Drock op eis Ressourcen. Eis natierlech Ressourcen, eis Biodiversitéit, eis Buedem-Fläch, eis Drénkwaasserreserve si begrenzt; eis Flëss an eis Loft si plazeweis staark belaascht. Och a  punkto Mobilitéit stousse mer u Grenzen. Waasser, Loft, Gréngs, Buedem: Mir stoussen un natierlech Grenzen déi mer musse respektéieren.

Léif Kolleginnen a Kollegen,

Mir sollten de Fouss vum Gas huelen.

Wësst der, mam eidele Schlagwuert vum “qualitative Wuesstem” kann ech näischt ufänken. Fir mech als Grénge musse mer eng Entwécklung aschloen, déi wierklech nohalteg ass: mir mussen an Zukunft déi ekonomesch, déi ökologesch an déi sozial Aspekter bei eisen Entscheedunge berücksichtegen. Dat bedeit, datt mer Choixe mussen treffen, Choixe tëscht der Gesondheet an der Liewensqualitéit vun eise Bierger an dem Mehrwert vu Betriber, wéi Bénéficer, PIB, Steierrecetten, Aarbechtsplazen, a Rentebeiträg déi abezuelt ginn.

„Mir mussen éierlech mat eis selwer sinn, an och d’ Folgekäschte vum Wuesstem matrechnen : d’ Ausgabe fir Infrastrukturen a Verwaltung; fir Schoule, Stroosse, Schinnen a Spideeler; fir Waasser an Ofwaasser a fir d’ Renten déi eng Kéier mussen ausbezuelt ginn.“

Wa mer déi ekonomesch, ökologesch a sozial Aspekter berücksichtegen, da muss een net nëmmen d’ Suite vum Wuesstem op der Einnahmesäit mee och op der Ausgabesäit buchen. Dat vermëssen ech bei all deenen anere Parteien. Als Grénge froen ech: Geet eisen aktuelle Wuesstem Null vu Null op? Oder ass e vläit esouguer e Verloschtgeschäft? Mir mussen éierlech mat eis selwer sinn, an och d’ Folgekäschte vum Wuesstem matrechnen : d’ Ausgabe fir Infrastrukturen a Verwaltung; fir Schoule, Stroosse, Schinnen a Spideeler; fir Waasser an Ofwaasser a fir d’ Renten déi eng Kéier mussen ausbezuelt ginn.

Léif gréng Kolleginnen a Kollegen,

Wat fir e Liewe wëlle mer, wat fir e Land wëlle mer? Mir hunn nämlech nëmmen eent! Lëtzebuerg ass eenzegaarteg. Et gëtt kee Planet B, et gëtt kee Lëtzebuerg B, an et gëtt och keen Asteroid, dee Lëtzebuerg ersetze kann.

Mir mussen eis froen:  Wat fir e Wirtschaftsmodell wëlle mir fir Lëtzebuerg?

E gëtt Leit déi schwäerme vun UBER. Sie fannen, datt Privatleit déi mat hirer eegener Schrottkëscht Taxi fueren dee modernsten Hype wär; dat wär Sharing-Economy. Ech fannen de Modell UBER (an ähnlecher) ganz almoudesch: et ass Ausbeutung vun Aarbechtskraaft, et ass Hannerzéie vu Sozialbeiträg an et ass eng illegal Verdrängung vu Konkurrenten. Esou e Wirtschaftsmodell wëlle mer net. An de Bausche Fränz huet dëst mat sengem Taxisgesetz verhënnert a reell Aabechtsplazen erhal. Vill aner Länner a Stied weltwäit gesinn dat mëttlerweil och esou.

Definitiv net nohalteg sinn och déi egoistesch International Steierspuermodeller fir Konzerner a Superräicher aus deene Lëtzebuerg sech elo lues a lues zeréckzitt. Et ass scho bemierkenswäert, datt grad Konzerner a Familienhand wéi FAGE a KNAUF sech elo wëllen och industriell zu Lëtzebuerg usidelen, elo wou reell Substanz verlaangt gëtt bei der Fro, wou déi multinational Entreprisen hir Steiere bezuele sollen.

Mir mussen eis och froen: wat fir eng Industrie wëlle mir?

„Déi Terrainen, op deene FAGE a KNAUF sech wëllen usidelen, gehéieren dem Staat. Deemno ass eng selektiv staatlech Usiedlungspolitik scho méiglech … et muss een se just wëllen! Heiansdo sinn d’ Saachen ebe ganz einfach: Keen Terrain, keng Fabrik !“

Ech wëll elo net all Argumenter zu Joghurt, Steewoll an Datacenter nach eng Kéier oprullen. De Robert Garcia huet gewisen, datt et pervers ass, datt dat räicht Lëtzebuerg, dat bal an den Aarbechtsplazen erstéckt, der nach emol bäikritt während am krisegerëselte Griecheland d’ Leit op d’ Strooss gesat ginn.

D’ Josée Lorsché, de Roberto Traversini an de Georges Liesch hunn d’ Fanger an déi ekologesch Wonne geluecht, déi duerch den Traffic, de Waasserverbrauch, d’ Ofwaasserbelaaschtung an d’ Loftverschmotzung gerass ginn. Si wëssen awer och – genee wéi d’ Carole Dieschbourg an de Camille Gira – datt keen ëffentleche Mandataire derlaanscht kënnt, bestehend Gesetzer z’ applizéieren. Quitte, se esou streng wéi méiglech unzewenden. Dat ass d’ Realitéit.

(c) Chris Karaba – Wort.lu

Mee et ass och Realitéit, datt déi Terrainen, op deene FAGE a KNAUF sech wëllen usidelen, dem Staat gehéieren. Deemno ass eng selektiv staatlech Usiedlungspolitik scho méiglech … et muss een se just wëllen! Heiansdo sinn d’ Saachen ebe ganz einfach: Keen Terrain, keng Fabrik !

Kolleginnen a Kollegen,

Solle mer alles huele wat geet? Musse mer alles maache wat machbar ass? Nee! A Lëtzebuerg huet scho mol an der Vergaangenheet bewisen, datt een Nee soe kann an trotzdem gutt liewen. Wéi dir wësst, hunn ech jo schonn e gewëssen Alter, an dofir kann ech mech nach gutt erënneren, datt eist Land “Nee Merci” gesot huet zu engem Projet, deen eis éiwege Wuesstem sollt bréngen: eng Atomzentral. Deemools hunn all Parteie vun CSV bis Kommunistesch Partei gesot, dass mer ouni d’ Atomkraaft géifen an de Mëttelalter zeréckfalen.

„Mir wëllen eng Économie, déi eis Ëmwelt respektéiert, déi op eis Stäerkten opbaut an déi Lëtzebuerg prett mécht fir déi zukünfteg Erausfuerderunge vun der Robotiséierung a vun der Digitaliséierung vun der Aarbechtswelt.“

Fakt ass, datt mer haut zu Remerschen keen Atomreakter mee en Erhuelungsgebitt an en Naturreservat hunn an datt et Lëtzebuerg nach ëmmer gutt geet. A Fakt ass, datt nieft den traditionelle Parteien eng nei, eng alternativ politesch Kraaft gewuess ass, déi ewell 35 Joer um Bockel huet. Mir gréng sinn zënter 35 Joer d’ Zukunftspartei.

(c) Chris Karaba – Wort.lu

Mir gréng hunn an de leschte 5 Joer an der Regierungsverantwortung Lëtzebuerg entscheedend geprägt. A fir d’ Erausfuerderungen, déi virun eis leien ze meeschteren, brauche mer weider a méi gutt gréng Politik. Dofir ass et wichteg am Oktober esou ofzeschneiden, datt bei der Regierungsbildung kee Wee laanscht gréng geet.

Léif Gréng,

Mir mussen net alles huele wat geet.

Wann an Zukunft e Betrib nei bei eis op Lëtzebuerg komme wëll, musse mer den ökonomeschen, den ökologeschen an de sozialen Impakt dovunner moossen. Fir eist Land nohalteg z’ entwéckelen musse mir eis Kritäre ginn an Aktivitéite just nach selektiv unzéien. Mir gréng wëllen eng Économie, déi eis Ëmwelt respektéiert, déi op eis Stäerkten opbaut an déi Lëtzebuerg prett mécht fir déi zukünfteg Erausfuerderunge vun der Robotiséierung a vun der Digitaliséierung vun der Aarbechtswelt.

E Land dat esou attraktiv ass wéi Lëtzebuerg, ka sech déi Wirtschafts-Beräicher eraussichen, wou eng héich Produktivitéit z’ erwaarden ass ouni mussen onmoosseg Aarbechtsplazen ze schafen. D‘ Rifkin-Strategie, déi d’ Regierung sech ginn huet, hëlleft dobäi déi sënnvoll Beräicher z’ identifizéieren. Carole, du hues jo dem Wirtschaftsminister onmëssverständlech kloer gemeet, datt et net nëmmen drëm geet am Ausland eng Étudë ze kafen, herno muss een sech och nach un hier Conclusiounen halen.

„Wuesstem ka finanzielle Räichtum bedeiten. Mee wéi steet et mam Wuelbefannen, der Gesondheet an der Liewensqualitéit vun de Leit? Wéi steet et mam Räichtum, deen ee mat Geld net kafe kann?“

Héich Produktivitéit mat gläichzäiteg manner héijem Bedarf un Infrastrukturen a Landverbrauch sinn doudsécher z’ erwaarden an enger méi entmaterialiséierter, digitaler Économie. Deemno bidden d‘ Auswierkunge vun der Digitaliséierung an der Robotiséierung mat hirem Verloscht u peniblen Aarbechtsplazen grad fir Lëtzebuerg riseg Chancen. Déi musse mer notzen amplaz blannemännches engem Industrialiséierungsmodell aus dem 19. Joerhonnert nozelafen, wéi dat CSV, DP, LSAP an déi Lénk maachen.

Léif Frëndinnen a Frënn,

De Wirtschaftsminister sot an engem Interview am Tageblatt Ufanks Januar, datt „Wuesstem Räichtum bedeit“. Jo, Wuesstem ka finanzielle Räichtum bedeiten – leider oft fir déi puer Eng méi wéi fir déi vill Aner. Mee wéi steet et mam Wuelbefannen, der Gesondheet an der Liewensqualitéit vun de Leit? Wéi steet et mam Räichtum, deen een net mat Geld kafe kann?

Mir Gréng wëlle festhalen um Räichtum vun eise Landschaften an eiser Natur an Déierewelt. Fir eis besteet de Räichtum och doranner, datt proppert Drénkwaasser aus dem Krunn kënnt an eist Iessen net verpescht ass. Mir setzen eis a fir de Räichtum deen et bedeit, mat senger Famill, senge Kanner a sengen Enkelkanner, qualitativ héichwäerteg Zäit ze verbréngen, amplaz seng Muerenter an Owenter am Stau ze vertrentelen.

Kommt mir huelen de Fouss vum Gas! Dat gëllt och fir eise Buedemverbrauch.

Mir kënnen net mat enger Politik wéi virun 30 Joer eis Défisen vun haut a muer Iéisen. Mir brauchen eng staark Landesplanung, well eis Buedemfläch wiisst net a mir kënnen eist Ländche just eemol verplangen.

„Mir musse Wunnen a Schaffen, awer och Akafen a Fräizäit erëm méi no beienee kréien, am Interessi vun eisem Confort, eiser Gesondheet an eiser Liewensqualitéit.“

10 Joer laang, tëscht 2003 an 2013 hunn déi vireg Regierungen hin an hier diskutéiert a Gottes Waasser iwwer Gottes Land lafe gelooss. Alles ass iwwerall wëll gewuess: Industriezonen, déi net un d’ Autobunn ugebonne sinn wéi Conter a Käerjéng, kommerziell Zonen goufe gebaut an dono eréischt gekuckt de Bus och dohin ze kréien. Honnerte Wunnquartiere sinn op d’ gréng Wiss placéiert ginn: do muss een en Auto hunn fir e Liter Mëllech ze kafen an d’ Elteren an d’ Grousselteren ginn zu Taxisunternehmer, wann d’ Kanner am Sport oder an der Musek engagéiert sinn. Eréischt eise gréngen Infrastrukturminister François Bausch geet elo zesumme mat de Leit de Wee fir eist Land geuerdnet, sënnvoll a spuersam z’ organiséieren.

De Laissez-Faire an der Landesplanung huet derzou gefouert, datt 90% vun de Leit musse mueres aus hirer Gemeng erauspendele fir schaffen ze fueren. Dat erkläert eis katastrofal Situatioun an der Mobilitéit an de Stau op der Strooss an op der Schinn. Mir musse Wunnen a Schaffen, awer och Akafen a Fräizäit erëm méi no beienee kréien, am Interessi vun eisem Confort, eiser Gesondheet an eiser Liewensqualitéit. Op jidder Fall kënne mer net all 15 Joer eng nei Autobunn nieft all bestehend bauen, an och all déi nei Contournements déi d’ CSV ewell all gréisser Uertschaft versprécht, schafe just nei Problemer ouni een eenzege Stau opzeléisen.

„Déi vireg Regierungen hunn d’ Dividende vum Wuesstem verdeelt amplaz se an d’ Zukunft z’ investéieren.“

D’ Absence vun Investitiounen an den ëffentlechen Transport ass en anere Grond, firwat mueres an owes d’ halleft Land steet. Déi vireg Regierungen hunn d’ Dividende vum Wuesstem verdeelt amplaz se an d’ Zukunft z’ investéieren. Et huet eng éischt gréng Regierungsbedeelegung gebraucht fir datt zanter 100 Joer mol erëm nei Zuchschinne geluecht ginn.

Léif gréng Kolleginnen a Kollegen,

Mir mussen dee wëlle Wuesstem, wéi en an den leschten 30 Joer war, a Fro stellen. Mir si vill, an egal wéi, an egal wou gewuess a konnten net déi néideg Infrastrukture liwweren déi dee Wuesstem nogefrot huet.

„Wëlle mer wierklech de leschte Biotop zoutippen, de leschte Bauer vum Aker verdreiwen, dee leschte Bëschwee goudronnéieren, deem leschte gewuessenen Duerfkär seng Séil huelen?“

Selbstverständlech gëtt et eng ganz einfach, net nohalteg an dofir falsch Léisung fir Wunnraum an Aktivitéitszonen ze schafen: d’ Bauperimetere vergréisseren – obscho mer nach Dausend Hektar bannendran hunn – an d’ Land zoubetonéieren. Mee wëlle mer wierklech de leschte Biotop zoutippen, de leschte Bauer vum Aker verdreiwen, dee leschte Bëschwee goudronnéieren, deem leschte gewuessenen Duerfkär seng Séil huelen? Wa mer wierklech esou weiderfueren, hypothekéiere mer d’ Zukunft, eis an déi vun eise Kanner a Kandskanner.

„Lëtzebuerg läit eis um Häerz. An dofir musse mir net alles huele wat geet! Kommt mir huelen de Fouss vum Gas! Da kréie mer d’ Kéier.“

Mir sollten de Fouss vum Gas huelen a Courage beweisen.

De Courage, selektiv virzegoen beim Unzéie vun neie Betriber a Branchen. De Mutt, am ländleche Raum fir eng moderat Entwécklung anzetrieden, déi eis Dierfer, eis Landschaften an eis Natur schützt. De Mutt, fir an den 3 urbanen Zentre vum Land fir kompakt, multifunktionell a liewenswäert Stied ze suergen.

Léif Frëndinnen a Frënn,

Lëtzebuerg läit eis um Häerz. An dofir musse mir net alles huele wat geet! Mir sollten och nach eppes fir eis Enkelkanner iwwereg loossen!

Kommt mir huelen de Fouss vum Gas! Da kréie mer d’ Kéier.

Catégories: gréng Blogs

Kommt mir huelen de Fouss vum Gas!

Christian Kmiotek - 20 Février 2018

An de 16 Joer vun 1994 bis 2010 huet eist Land 100.000 Matbierger bäikritt. Nach eng Kéier 100.000 nei Awunner krute mer vun 2010 bis haut an nëmmen nach 8 Joer. Dobäi kommen nach déi 100.000 nei Aarbechtsplazen, déi an de leschten 11 Joer geschaf goufen, mat hirem Verkéier aus alle Géigende vum Land an iwwer d’ Grenzen eraus. Dëst ass e wëlle Wuesstem, dee jidderee vun eis all Dag spiirt: e weist sech am Stau op eise Stroossen, e weist sech un de Wunnengspräisser déi nëmmen nach de Wee no uewe kennen.

Ech sinn der Meenung, datt mer mussen de Fouss vum Gas huelen, well mer un eis natierlech Grenze stoussen.

„Wuesstem ka finanzielle Räichtum bedeiten. Mee wéi steet et mam Räichtum, deen ee mat Geld net kafe kann?“

Et geet net duer, nëmmen d’ Recette vum Wuesstem ze kucke wéi d’ Steiereinnahmen an d’ Rentebeiträg. Mir mussen éierlech mat eis selwer sinn, an och d’ Folgekäschte vum Wuesstem mat berechnen: d’ Ausgabe fir Infrastrukturen a Verwaltung; fir Schoule, Stroosse, Schinnen a Spideeler; fir Waasser an Ofwaasser a fir d’ Renten déi eng Kéier mussen ausbezuelt ginn.

Wann an Zukunft e Betrib nei bei eis op Lëtzebuerg komme wëll, musse mer den ökonomeschen, den ökologeschen an de sozialen Impakt dovunner moossen. Fir eist Land nohalteg z’ entwéckelen musse mir eis Kritäre ginn an Aktivitéite just nach selektiv unzéien. Mir gréng wëllen eng Économie, déi eis Ëmwelt respektéiert, déi op eis Stäerkten opbaut an déi Lëtzebuerg prett mécht fir déi zukünfteg Erausfuerderunge vun der Robotiséierung a vun der Digitaliséierung vun der Aarbechtswelt.

Bei all deem aktuelle Wuesstem musse mer eise Landverbrauch intelligent steieren, well eis Buedemfläch wiisst net. Ënner de virege Regierungen ass alles iwwerall wëll gewuess: Industriezonen ouni Autobunnsuschloss, kommerziell Zonen ouni Busubannung a Wunnquartieren op der grénger Wiss. Et huet e gréngen Infrastrukturminister gebraucht fir an der Landesplanung endlech ëmzedenken an eist Land geuerdnet, sënnvoll a spuersam z’ organiséieren.

A punkto Wuesstem musse mer Choixen treffen. Wuesstem ka finanzielle Räichtum bedeiten. Mee wéi steet et mam Wuelbefannen, der Gesondheet an der Liewensqualitéit vun de Leit? Wéi steet et mam Räichtum, deen ee mat Geld net kafe kann?

Ech wëll festhalen um Räichtum vun eise Landschaften an eiser Natur. Ech setze mech a  fir de Räichtum deen et bedeit, mat senger Famill, senge Kanner a sengen Enkelkanner, qualitativ héichwäerteg Zäit ze verbréngen, amplaz seng Muerenter an Owenter am Stau ze vertrentelen.

Kommt mir huelen de Fouss vum Gas!

Catégories: gréng Blogs

Wéi wierkt gréng ?

Christian Kmiotek - 04 Février 2018

vum Christian Kmiotek a Françoise Folmer 

No de Gemengewalen 2017 waren déi gréng de Medie-Kommentaren no, dee klenge Gewënner. Déi gréng Partei war mat engem historesch héije Score vun 2011 an dës Wale gaangen, a konnt sech 2017 nach eng Kéier e gudde Krack steigeren: den Undeel un der Gesamtstëmmenzuel ass vu ronn 13% op iwwer 16% geklommen. Datt “Gréng wierkt” ass bei de Leit deemno gutt ukomm.

Awer net nëmmen déi gréng Wielerzuel ass méi grouss ginn, och d’Memberzuele sinn däitlech gewuess. Dat mécht eis Courage fir d’Chamberwalen 2018, an et weist, datt déi gréng eng oppen, lieweg an attraktiv Partei sinn.

Dëst Joer musse mir gréng fir t‘alleréischte Kéier aus enger Regierungsbedeelegung eraus eisen nächste Walprogramm schreiwen. An et ass flott a motivant ze gesinn, datt mer och fir t‘éischte Kéier vill Kapitele musse wesentlech iwwerschaffen. Firwat? Ma ganz einfach: well villes wat 2013 do stoung elo scho gemaach ass oder zumindest an Ugrëff geholl gouf.

D’Chamberwale fannen 2018 an engem Kontext statt, deen et nach ni gouf: Zanter dem 2. Weltkrich huet d’CSV – bis op zwou Ausnahmen – de Premier gestallt, an dee klenge Koalitiounspartner war mol d’LSAP, mol d‘DP. Elo hunn awer och déi gréng bewisen, datt se ee verlässlechen an efficace Regierungspartner sinn. Et gëtt also elo definitiv eng drëtt an eng véiert Optioun, an datt ass gutt fir eist Land a gutt fir eis Demokratie!

„D’Wäerter déi eis eenegen maachen, datt eis Vertrieder net hott an har virun all Mikro sprangen, datt hir Egoen net méi grouss si wéi eis Partei an datt si keng widderspréchlech Message vermëttelen.“

Mir gréng si gëeent duerch gemeinsam Wäerter, déi eis ganz fest unenee bannen. Dës Wäerter, dorënner Solidaritéit, Gerechtegkeet a Participatioun, sinn Deel vun eisem politesche Réckgrat an erlaben et eis, och an Zukunft eng Politik ze maachen, déi vu Wäitsiicht gepräägt ass, eng Politik déi op Fakten an net op Ängschte baséiert, eng Politik déi ëmmer de Mënsch a seng Ëmwelt an de Mëttelpunkt setzt.

D’Wäerter déi eis eenegen maachen, datt eis Vertrieder net hott an har virun all Mikro sprangen, datt hir Egoen net méi grouss si wéi eis Partei an datt si keng widderspréchlech Message vermëttelen. Mir gréng, si bei de Gemengewale mam Sproch „Gréng wierkt“ ugetrueden, mee dëse Message ass beim nationale Bilan genee esou richteg. Mir gréng soe wat mer maachen, a mir maache wat mer soen an ëmmer méi Leit appreciéieren dat.

déi gréng sinn och konsensfäeg. Eng Fäegkeet déi lues a lues gewuess ass op Basis vun eisen Erfahrungen um Gemengenniveau, wou mer eis, an eiser 35-järeger Parteigeschicht, schonn ënner ville politesche Koalitiounsvarianten an der Verantwortung beweise konnten. 35 Joer wou mer d‘ Vertrauen an eise Programm an, an eis Leit bei ëmmer méi Wieler gefestegt kruten. Als gréng verhandele mir ferm a fair an am Sënn vun der Saach. Mir kennen eis Dossieren a mir halen eis un déi mat de jeeweilege Koalitiounspartner ofgemaachte Kompromësser. Mir hunn domadder bewisen, datt mir e verlässlechen an efficace Regierungspartner sinn.

Dëst Joer, d‘Joer vun eisem 35. Gebuertsdag, ass d‘Partei definitiv aus de Kannerschong erausgewuess. Eis Visioun fir eng nohalteg a sozial gerecht Entwécklung vun eisem Land a vun eiser Gesellschaft ass kloer. Elo geet et drëms d’Vertraue vu eise Wieler ze festegen an zousätzlecht Vertrauen ze kréien, fir datt déi gréng Prioritéiten och bei der nächster Regierungsbildung eng Roll spillen.

Mir hu gewisen, datt gréng Politik dem Land, de Leit an der Ëmwelt gutt deet. Et geet net ëm déi gréng Partei, et geet hei ëm eist Land, ëm Lëtzebuerg an doriwwer eraus. An eist Land brauch gréng Politik, och fir déi nächst 35 Joer!

(fir t’éischte Kéier publizéiert de 26. Januar 2018 am „Lëtzebuerger Land“ ënner dem Titel „gréng wierkt !“)

Catégories: gréng Blogs

gréng Blogs